Popular Bible Verses from Gnàth‐fhacal 15

Share

Tillidh freagradh mìn corraich; ach dùisgidh briathran garga fearg.

Is e eagal an Tighearna fòghlam a’ ghliocais; agus ro urram tha irioslachd.

Is craobh beatha teanga fhallain; ach is briseadh spioraid fiaradh innte.

Gun chomhairle, thig rùintean gu neoni; ach ann an lìonmhorachd chomhairleach daingnichear iad.

Nì cridhe subhach gnùis shuilbhir; ach le bròn a chridhe brisear an spiorad.

Tha sùilean an Tighearna anns gach àite, ag amharc air na droch dhaoine agus air na deagh dhaoine.

Is fheàrr beagan le eagal an Tighearna na ionmhas mòr agus buaireas leis.

Dùisgidh fear feargach connsachadh; ach esan a tha mall a‑chum feirge, ciùinichidh e aimhreit.

Smaoinichidh cridhe an fhìrein cionnas as còir dha freagradh; ach dòirtidh beul nan aingidh a‑mach droch nithean.