Popular Bible Verses from Isaiah 62

Share

Chan abrar riut tuilleadh, Tè ris an do chuireadh cùl; cha mhò a theirear rid fhearann tuilleadh, am Fàsach; ach is e a theirear riut, Bean mo rùin; agus rid fhearann, Bean‐phòsda; oir bidh rùn an Tighearna ort, agus bidh d’fhearann air a cheangal ann am pòsadh.

Chuir mi luchd‐faire air do bhallachan, O Ierusaleim; rè an là, agus rè na h‑oidhche, cha bhi iad nan tosd; sibhse a tha a’ dèanamh luaidh air ainm an Tighearna, na bithibh‐se nur tosd; Agus na tugaibh fois dha, gus an daingnich e agus gus an dèan e Ierusalem na cliù air an talamh.

Agus bidh tu ad chrùn glòire ann an làimh an Tighearna, agus ad choron rìoghail ann an glaic do Dhè.

Oir mar a phòsas duine òg òigh, mar sin pòsaidh d’fhear‐togail thusa; agus mar a nì am fear nuadh‐pòsda gàirdeachas na mhnaoi, mar sin nì do Dhia gàirdeachas annadsa.