Popular Bible Verses from Yakoba 3

Share

Ne bilaka ame ga Bɔkoꞌba na kiꞌdi akikali ꞌbënï teyi ne lïjë oꞌdɔ ꞌbënnï wa pili rɔ ma kodɔrɔ. Lïjë oꞌdɔ ꞌdïrï dë ti bɔtɔ kina lïjë oꞌdɔ kɔmɔ kënyë dë gbï dɔ bilaka. Kina lïjë oꞌdɔ mbili minyi dë gbï, lïjë öꞌbö ꞌbënnï ti mï këyï, kina lende koꞌdɔ ꞌbënnï ga köꞌbö ŋgï pili rɔ ma laka. Ya ame ga ꞌdeni te ne oꞌdɔ kɔmɔ geli dë zi bilaka, meri ꞌbënnï pili rɔ ma laka.

Nï bɔ mɔtɔ ɔdɔ këddï rɔ bɔ kikali lende, oloma rɔ bɔ koꞌdɔ lende laka ꞌdɔ lende këyï ꞌbï na kileme akikali ꞌbï nima.

Lïjë na rɔ bɔ lata mï löŋgö ya ma konzi, ame lende këyï ꞌbënnï kiꞌdi bilaka ꞌdeni ꞌdɔ koloma köꞌbö toꞌdɔ lende laka ꞌba Bɔkoꞌba.

Römöyï mï kombi ni ma ti mï kututu na këdï kiꞌdi bilaka kebe toꞌdɔ lamo ni ti lende ma kënyë mɔtɔ ga.

Kina me dëdï dïlëluke ŋere Bɔkoꞌba ame rɔ ꞌbu ze ne ti dɔndeꞌde ze ga kina debe duyïke ꞌböwu gbï tulömu bilaka lëpï ze ga ame Bɔkoꞌba koꞌba ꞌdeni gbï kɔzɔ bo tara ne timo. Akïlëlu ma laka ni ti lömu ma kënyë naga ëdï kɔdɔ kpaki di mï kpa kɔtɔkɔtɔ nima. Löndö ma ga, lende nima ele dë, kinza doꞌdɔke dë tara.

Dɔndeꞌde ze bilaka lesi nime ëdï gbï kɔzɔ paꞌdo tara, bo na rɔ mï zana ꞌba lende kënyë ꞌba dɔliŋɔ nime. Kina me bo gbï rɔ kapa ꞌba yida rɔze mɔtɔ kina bo kiꞌdi lende kënyë ŋgï kitaꞌba kote rɔze pili. Kina me dɔndeꞌde kusu paꞌdo ma löbu ꞌba Gehena ꞌdeni ŋgï rɔ dïdï ze ga ꞌdɔ kirasi loma ze ga pili yaga.

Ne bɔtɔ ma kɔtɔ mɔtɔ ikali dë ma ꞌdɔ kogbɔ dɔ dɔndeꞌde nï bërï. Dɔndeꞌde ꞌbënï ŋgï rɔ wa ma kënyë ame kikali dë toloma le, bo oso ꞌbënï ŋgï lɔ ti wɔwɔ ma kata ame ga këdï kupö bilaka ŋgï kɔzɔ wɔwɔ ꞌba murë tara ne.

Löndö ma ga, kinza bilaka ma konzi ꞌbeye mɔtɔ ga koloma dë me rɔ bɔ kɔmɔ kiyandi ꞌba lende ꞌba Bɔkoꞌba. Römöyï dikalike ꞌdeni ze ame ga rɔ bɔ kɔmɔ kiyandi ne, ze na Bɔkoꞌba këdï kodɔrɔ bïcï lende rɔze rɔ dɔ kiteli di dɔ ꞌba ya ma laki pili.