Popular Bible Verses from Yakoba 2

Share

Kina gbï tara, bɔ ame këdï kiŋgele ꞌbënï ŋge kiya te bo iꞌdi dönï ꞌdeni gɔ lende ꞌba Yësu Kurïsïtö kinza bo koꞌdɔ lende laka ꞌba Bɔkoꞌba mo dë ne, lende kiya abo naga nima ëdï ka rɔ töku.

Kina gbï tara bɔ ame kiya te bo iꞌdi dönï ꞌdeni gɔ lende ꞌba Yësu Kurïsïtö rɔ ma sari kinza bo koꞌdɔ lende laka ꞌba Bɔkoꞌba dë ne, lende abo nima ëdï ka rɔ töku kɔzɔ yida rɔ ame ꞌdeni kinza dïdï yïmo ne tara.

Löndö ma ga, ɔdɔ nï bɔ mɔtɔ kiya te iꞌdi döyï ꞌdeni gɔ lende ꞌba Yësu Kurïsïtö, ne ɔdɔ kiya te koꞌdɔ lende laka mo dë lende ꞌbï naga nima ëdï ka ŋgï rɔ wa sari. Kina gbï tiꞌdi döyï ŋge gɔ lende ꞌba Yësu Kurïsïtö nima inza kikali tɔmɔ yi di mï burë ꞌba Bɔkoꞌba.

Iꞌdike dɔye ꞌdeni gɔmo Bɔkoꞌba ëdï ŋge kɔtɔ. Tine ele sowa. Ne nökï ame gbï rɔ bɔ koja laja ꞌba Satani ne lïjë ikali lende nima gbï kɔzɔ wa nima tara, kina rönnï kiꞌdi ŋgï tïlëꞌdï di zi tikere gɔ köꞌdu mo.

Ɔdɔ bɔ mɔtɔ kënyï ꞌba bo kiya te, “Bɔ nime na kiꞌdi dönï ꞌdeni rɔ ma laka gɔ lende ꞌba Yësu Kurïsïtö, kina bɔ ame na rɔ bɔ koꞌdɔ lende laka ꞌba Bɔkoꞌba.” Ti mënyï mititi bɔ mo nima miya te, “Ïyëtï zö te, bilaka mɔtɔ ti kikali ꞌba bo ŋge tiꞌdi dönï gɔ lende ꞌba Yësu Kurïsïtö rɔ ma sari kinza ma bo koꞌdɔ lende laka mo totondo mo ga?” Ne ꞌbama ndɔbɔ koꞌdɔ ma na ti kileme rɔ ma laka ziye miꞌdi dɔma ꞌdeni gɔ lende ꞌba Yësu Kurïsïtö.

Mï kada ꞌba burë mo nima yayi Bɔkoꞌba inza kiꞌdi mï bo këyï kpe rɔ bilaka ame ga koꞌdɔ mï këyï dë gbï zi lëpï nnï ga ne. Bo ti kodɔ karama ŋgï dönnï. Ne ya ame ga rɔ bɔ mï këyï ne inza koloma rɔ tikere mï kada mo nima.

Kina me dikalike ꞌdeni lende koꞌdɔ laka ꞌba bilaka na këdï kiꞌdi Bɔkoꞌba kïdëkï lïjë rɔ bɔ lende laka. Inza ŋge gɔ lende ꞌba tiꞌdi dönnï gɔ lende abo.

Kina doŋgɔke te, Abarayama iꞌdi dɔ bo gɔ lende ꞌba Bɔkoꞌba kina bo koꞌdɔ lende mo rɔ ma laka. Kina ndɔbɔ abo naga nime kiꞌdi bo ŋgï kikali lende ꞌba Bɔkoꞌba rɔ ma laka.