Popular Bible Verses from Tɔdɔ 15

Share

Ŋere Bɔkoꞌba ose zïnnï te, “Ɔdɔ kuwöke dɔma laka ma ŋere Bɔkoꞌba ꞌbe koroke köꞌdu kiꞌdi ma ame ga mose ziye ne pili a mɔtɔ rɔ rɔkɔꞌɔ ma tönë ga moꞌde dɔ Ezipeto ne minza modɔ dɔye. Römöyï ma na rɔ Bɔkoꞌba bɔ yëyï ꞌba yida rɔye.”

Bɔkoꞌba na rɔ tigɔ ma gbï rɔ ŋgala zö. Bo ako ꞌdeni bo kɔmɔ ma. Bo na rɔ ŋere Bɔkoꞌba ma. Kina ti mïlëlu bo. Ŋere Bɔkoꞌba ꞌba ꞌbu ma ti moba rɔ löbu dɔ kiteli abo.

Bɔkoꞌba ma yala na këdï kɔzɔ nï ŋere Bɔkoꞌba? Nï ma koro rɔ mbëmbë nime. Yë na ti kɔꞌbɔ toꞌdɔ gɔ kotɔ kɔzɔ ꞌbëyï?

Ti akɔꞌɔ ꞌbï ame lipo mï kɔtɔ ne ti kokɔkɔ bilaka ame ga kutë gɔmo ne ŋgï. Ti kogbɔ lïjë ŋgï ti tigɔ ꞌbï koto lïjë mï dɔyayi ma laka ꞌbï.

Lïjë ari kömö Mara, tine mini mo rɔ ma kata bɔtɔ kɔꞌbɔ tuwë mo dë. Gɔ köꞌdu mo na ma ꞌdɔ kiꞌdi kïdëkï möyï mo rɔ Mara ne ama kiya te “Ata”. Kina bilaka naga nima kebe ŋgï tilende rɔ Musa, iya te, “Waꞌdi na gɔ duwë?” Musa udu zi Bɔkoꞌba na Bɔkoꞌba kileme ŋgërï mɔtɔ ŋgï zi bo. Bo ogba ŋgërï tönë kuꞌdu mï mini nima na këyï ŋgï yaga. Kina Bɔkoꞌba kiꞌdi köꞌdu kiꞌdi ŋgï zi Yisarele toloma gɔmo, bo kiyɔzɔ lïjë gbï di yayi.