Popular Bible Verses from Roma 13

Share

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

Kɨ viŋ jia yikɔɔ wə me. Yikɔɔ njyə faŋ kaꞌ viŋ kìi, lùu laa viŋ kaw wə nə wə. Wə ntɨə faŋ ŋwə kàw weenshu wi, zɔnə ntɨsə Nwi.

Bàw vɨɨ vənshə kɨ zɔnə vɨɨ mbɨə faŋ vəŋ sɔꞌ shɨ, buꞌ laa vɨɨ məsɔꞌ shɨ kee sɔꞌ nə wutə vəŋ, maa laa gì Nwi me. Nùŋsə Nwi nùŋsə vɨɨ məsɔꞌ shɨ faŋ vəŋ lùu taa mbi.

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Wə ntɨə faŋ ŋwə kaw weenshu wi, kaꞌ ŋwə kee yɨ̀ nu bwə maa ŋwə me. Nɨniŋ, wə faŋ ŋwə kaw vɨɨ, zɔnə ntɨsə Nwi sənshə.

Nɨniŋ, ndɔꞌ wə tɨ̀ me wə nə fa ŋkɨə faŋ a kìi maa məndɔꞌ tɨ́ ŋwə. Ndɔꞌ tasə tɨ́ wuu məfi tasə, ndɔꞌ ka məshɔɔ fɨ jɨɨsə tɨ́ vɨɨ məfi ka ghɔ́, fee wə ntɨə faŋ luu wə maa məfee, bəŋsə wə ntɨə faŋ məbəŋsə lùu tɨ́ ŋwə.