Popular Bible Verses from Efesɔs 2

Share

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ. Viŋ kee bwèy buꞌ vənu vəjəəvə viŋ faŋ viŋ yɨsə me. Nɨniŋ laa kɨ wə kɨ bəŋsə ŋwaa wi me.

Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ, kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Ŋwə nə ywèysə nsiŋ fɨ yiba jɨŋ Kristo, nùŋsə nsiŋ yizɔ, nsiŋ vɨ vəŋ.

Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi. Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.