Popular Bible Verses from Marcos 16

Share

Joko wi Jesús jei chupe reta: “Pekua opaete ɨwɨ rupi jare pemɨmbeu opaete wae pe ñee ikawi wae che rewa,” jei chupe reta.

“Jare jeta wae reta uechata cheré wɨrowia wae reta uyapo ñonoï kua nunga mbaembae reta: Cheree re jae reta omoëta aña uyembɨiya jese wae reta wi. Jare uyemɨngetata reta ambɨe ñee reta pe – jokua jae ñee mbaetɨi uyemɨngeta pɨpe wae. Jare yepe tëi aramoi uipɨsɨta reta mboi, jare yepe tëi aramoi jouta reta mbayachi, erëi ndarau mbae awe uyeyapo chupe reta. Jare oñonota reta ipo imbaerasɨ wae reta re umɨnguera waerä.” Jukuärái Jesús jei jemimboe reta pe.

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

Jayawe jemimboe reta opa yuraa umɨmbeu Tumpa iñee opaete kerupi rupi. Jare yandeYa umee chupe reta mbaepuere uyapo waerä mbaembae ipuere’ä ambɨe kuimbae reta uyapo wae. Jare jukuärái jae uikuaaka opaete wae pe añetete wae ko jemimboe reta jei wae. Jaeño ma.

Jayawe kunumi jei chupe reta: “Awɨye pekɨye,” jei. “Aikuaa pe reta peka peï Jesús Nazaret pewa umano kurusu re wae. Jae ikowe ye ma ou umanokue wae reta ipɨte wi. Mbaetɨ ma kua pe oï. Mase, pemae jendakue re,” jei chupe reta.

Erëi joko pe yuraa ma uwäe reta yawe, uecha reta jokua ita tuicha wae uyembɨsɨrɨ ma oï joko wi. Jayawe uike yuraa reta teöwerenda japɨpe, jare uecha reta pëti kunumi uwapɨ oï iyakata kotɨ. Jae jemimonde puku jare tïi. Jayawe kuña reta opa ukɨye.