Popular Bible Verses from โรมา 15

Share

เกม๊า กแช่ แยว้ พี่ อ เก ก ท มื้งแล่ อ กแช่, เกม๊า น ซื๊ง โอ ล๊า โอ ฆวี้ ดี๊ ท เซิง ฆวี๊ง ซ้ะ โย้, ดี๊ ทมึทพ้า พี่ น ซื๊ง ชู่ง นะ-อ้ะ นอ ไช้ะ, บี่ ซุ้ วีง ฌี้ แล้ แอว้ ม เกม๊า น ท มื้งแล่ โอ แอ ทาง แอ ทาง ล้อ

ท กุ้ อ เม้ง พี่ อ โอ ลู่ง ไละ ฌี้ ไละ แอว้ อ พ้า นอ กวิ้ ทาง เว๊ ลู่ง ม ซอง เอะ เฆ้อ บี่ ซุ้ ก ม โอ ดี๊ ท มื้งแล่, เมะ เว๊ ไละ ฌี้ ไละ แอว้ เกม๊า ก โอ โก้ง เท่อ เก ดี๊ แม้ ชอง ทาง ก เซิง ก ซ้ะ

เกม๊า กแช่ แยว้ พี่ อ เก ท เอ้า เซิง เอ้า ซ้ะ ดี๊ ท เซิง ชอง ซ้ะ ชอง อ กแช่ ล แฌ้ นอ, แม้ช้า น ซื๊ง โอ ฆู๊ง โอ พุ้ โละ ซ้ะ พี่ น แม้ บี่ ซุ้ กแช่ เยซู คริ้ บี่ ซุ้ น ซื๊ง กุ้ อ แฌ้ ม อางปฆ้า ซกุ้ กแช่ แยว้, พี่ อ เก ก กแช่ เยซู คริ้ อ แพ่

ท บี่ นอ, เกม๊า น ซื๊ง ตองช้า ฮะช้า โละ ซ้ะ ดี๊ ท มึ ท พ้า, บี่ ซุ้ กแช่ เยซู คริ้ ตองช้า ฮะช้า น ซื๊ง, แม้ บี่ อี้ง เมะ เว๊ น แม้ ฆี๊ง แม้ แล้ กแช่ แยว้

แบเด้าะ เฆ้อ กุ้ อ แฌ้ เกิ้ง แม้ เท่อ พี่ ม แบ ก ฌุ้เม้ง ฌุ้พาง อ ซ้ะ, ดี๊ ช๊องมอง-อ้ะ ท เม้ง เล้ ม ฌี้ ลู่ง อ ฌ่าง, บี่ ซุ้ ม แม้ช้า อ ท ชู่ง ท นะ ล๊า ทาง ฆวี้ ทาง