Popular Bible Verses from โรมา 14

Share

อ ไฌ่ บี่ อี้ง, กแช่ แยว้ อ มื่ง อ บ้าง นอ ล แบฆ้ะ ดี๊ ทอาง ท โอ้ แบ, แบ เด้าะ แบฆ้ะ ดี๊ ท แบ กแช่ แยว้ อ ซ้ะ, ท มึ ท พ้า, ท ซ้ะอวีง ซ้ะโทะ พี่ อ เฌ๊ เว๊ ลู่ง วีง ฌี้ แล้ แอว้ โพล้ง พี่ อ แม้ เอะ กแช่ เยซู คริ้ อ เท่อ บี่ อี้ง นอ, ม แบ กแช่ แยว้ อ ซ้ะ, ดี๊ โพล้ง ฌางคู โคล๊ง คู ม แคว่ เว๊ แบ อ ซ้ะ ปะ

ก เมะ โอ ม๊า นอ ก โอ ม๊า ลู่ง กแช่ เยซู คริ้ อ ฌ่าง, ก เมะ ซี๊ง นอ ก ม ซี๊ง ลู่ง กแช่ เยซู คริ้ อ ฌ่าง, ท บี่ นอ, ก เมะ ซี๊ง ฌี้ ม๊า ฌี้, ก เก กแช่ เยซู คริ้ อ เท่อ ล้อ

ท บี่ นอ, ก แบ เฌา แม้ ที่ เท่อ พี่ ม เกม๊า โพล้ง โอ ฆู๊ง โอ พุ้ โละ อ ซ้ะ ดี๊ แม้ ชอง ทาง โละ อ ซ้ะ

ท บี่ นอ, เกม๊า ก ต้ะเซ๊ง โละ ซ้ะ ล้า ล ฌี้, แบเด้าะ เกม๊า น ซื๊ง อางกี ล้าง ซ้ะ บี่ อี้ง, เมะ เว๊ ล แม้ เท่อ พี่ ม เกม๊า ก ด๊างพื่งวี่ แม้ ท เด้บ้ะ นอ น่าง เม้ง แบ

ไละ ฌี้ ไละ แอว้ โล้ เว้ เว๊ “กแช่ แยว้ ไจ้ะ เว๊ แด, พี่ จ โอ ม๊า เต้ๆ, บี่ จะ เล้ นอ กุ้ อ แฌ้ ม ไคล้ะ ล้าง อ คาง แบ้ ทาง แย้ ดี๊ โพล้ง กุ้ อ แฌ้ ม โล้ ล้าง เว๊ แย้ จ เก กแช่ แยว้” ท บี่ นอ, เฆ้อ กุ้ อ แฌ้ ก แบ โล้ ล้าง ก ท ไพ้ะ ท แม้ ดี๊ กแช่ แยว้

โพล้ง พี่ อ ท ชู่ง ท นะ โอ ปี๊ ได้ะ นอ ฮะ นี่-อ้ะ ไช้ะ, พี่ อ เว๊ ช๊องมอง เกิ้ง แม้ บี่ จะ เล้ นอ, ติ้ โละ ไอ โละ ซ้ะ ดี๊-อ้ะ ล ฌี้

น เก โพล้ง เล้, พี่ ม ต้ะเซ๊ง โพล้ง อ แฌ้แพ อ เพล่, อ เซงคู ล้อ ม ต้ะเซ๊ง-อ้ะ, เมะ อ แม้ เท่อ ชิ้เทา-อ้า, ล ชิ้เทา แบ-อ้า, ดี๊ อ เว๊ ม แม้ เท่อ ชิ้เทา เมาน่าง, เมะ เว๊ กแช่ แยว้ ม แม้ช้า-อ้ะ เกม๊า อ แม้ เท่อ ท้อง อ ชิ้เทา ซี