Popular Bible Verses from Ashuŋ Shunso 2

Share

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Epul to nɛ awɔr shi ebɔrɛso ŋ gbri m ba bɔla ebu nɛ b daa tase to na kikɛ to fanɛ afugboŋ ko na. Ndoŋ nna nɛ b wu adonduloŋ fanɛ edɛ be adondulombi nɛ a ba barga to nɛ amo be kekama yɔ beyirdapoana na be ekama so. Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ. Bumo be asheŋ daŋ bɔlɔ kade na to ebi kikɛ kenishi ga. Karechɛ kama malɛ Enyɛnpe Yesu daa mɔlga basa pɔtɛ nna a ti bumo so.

‘Le nɛ meeŋ wora lalaloge be nchɛ na to: Meeŋ shin nɛ ma Kiyoyu e ba basa kikɛ to. Menyi be mbrantiɛbi beeŋ ku bɔrɛdareana nɛ menyi be benyɛnnimu e ku abɔrɛsheŋ be edareana nɛ menyi be mbinyɛnbi nɛ mbichebi e wu abɔrɛsheŋ ŋ kaŋɛ.

Beyirdapoana na kikɛ daŋ baa wɔ abar so nna kɔnɔkoŋwuleso nsaa bar bumo be asɔ kakpa koŋwule m ba kaa chɛ abar to. Saŋko baa fa bumo be ekpanjawu to be asɔ nna a ta amo be amansherbi a chige a sa bumo to be ekama kanaŋkamaso nɛ a daga ekama ka nya.

Saŋɛ na so ekama nɛ e tre Enyɛnpe na beeŋ nya kumɔlga.’

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.