Popular Bible Verses from Ashuŋ Shunso 17

Share

E daŋ wora loŋ nna nɛ b laa n fin mo kukoko to n ya nya mo ashi bumo be kafin na to. Ama anyi be ekama ere nyam nɛ Ebɔrɛ maŋ wɔ kufɔ

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.