Popular Bible Verses from ດານີເອນ 9

Share

ຂ້າພະເຈົ້າ​ພາວັນນາ​ອະທິຖານ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ ແລະ​ສາລະພາບ​ການບາບ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ​ອົງ​ຍິ່ງໃຫຍ່​ສູງສຸດ ແລະ​ພຣະເຈົ້າ​ທີ່​ໜ້າ​ຢຳເກງ​ຢ້ານກົວ. ພຣະອົງ​ເຮັດ​ຕາມ​ພັນທະສັນຍາ​ຂອງ​ພຣະອົງ ແລະ​ສຳແດງ​ຄວາມຮັກ​ອັນ​ໝັ້ນຄົງ​ຕໍ່​ຜູ້​ທີ່​ຮັກ​ພຣະອົງ ແລະ​ຕໍ່​ຜູ້​ທີ່​ປະຕິບັດ​ຕາມ​ຄຳສັ່ງ​ຂອງ​ພຣະອົງ.

ຂ້າແດ່​ພຣະເຈົ້າ​ຂອງ​ຂ້ານ້ອຍ​ເອີຍ ໂຜດ​ຟັງ​ພວກ​ຂ້ານ້ອຍ ໂຜດ​ຫລຽວ​ເບິ່ງ​ພວກ​ຂ້ານ້ອຍ ແລະ​ໂຜດ​ເບິ່ງ​ຄວາມ​ຍາກ​ລຳບາກ​ທີ່​ພວກ​ຂ້ານ້ອຍ​ກຳລັງ​ປະເຊີນ​ຢູ່ ພ້ອມທັງ​ຄວາມ​ທົນທຸກ​ໃນ​ເມືອງ​ທີ່​ຮັບ​ເອົາ​ນາມ​ພຣະອົງ​ດ້ວຍ. ພວກ​ຂ້ານ້ອຍ​ກຳລັງ​ພາວັນນາ​ອະທິຖານ​ຫາ​ພຣະອົງ ບໍ່ແມ່ນ​ຍ້ອນ​ພວກ​ຂ້ານ້ອຍ​ກະທຳ​ໃນ​ສິ່ງ​ທີ່​ຖືກຕ້ອງ ແຕ່​ຍ້ອນ​ພຣະອົງ​ມີ​ຄວາມ​ເມດຕາ. ຂ້າແດ່​ອົງພຣະ​ຜູ້​ເປັນເຈົ້າ​ເອີຍ ໂຜດ​ຟັງ​ສຽງ​ຂອງ​ພວກ​ຂ້ານ້ອຍ​ດ້ວຍ! ຂ້າແດ່​ອົງພຣະ​ຜູ້​ເປັນເຈົ້າ ໂຜດ​ຍົກໂທດ​ໃຫ້​ພວກ​ຂ້ານ້ອຍ​ແດ່ທ້ອນ! ຂ້າແດ່​ອົງພຣະ​ຜູ້​ເປັນເຈົ້າ ຂໍ​ໂຜດ​ຮັບ​ຟັງ​ພວກ​ຂ້ານ້ອຍ! ແລະ​ຮີບ​ກະທຳການ​ເຖີດ ຂ້າແດ່​ພຣະເຈົ້າ​ຂອງ​ຂ້ານ້ອຍ​ເອີຍ ຂໍ​ໂຜດ​ຢ່າ​ຊັກຊ້າ​ຢູ່​ເລີຍ ເພາະວ່າ​ເມືອງ​ແລະ​ປະຊາຊົນ​ເຫຼົ່ານີ້​ເປັນ​ທີ່​ເອີ້ນ​ຕາມ​ນາມຊື່​ຂອງ​ພຣະອົງ.”

ຂ້າພະເຈົ້າ​ຕັ້ງໜ້າ​ພາວັນນາ​ອະທິຖານ​ຂໍ​ຕໍ່​ອົງພຣະ​ຜູ້​ເປັນເຈົ້າ ພຣະເຈົ້າ, ຖືສິນ​ອົດອາຫານ, ນຸ່ງ​ເສື້ອ​ຜ້າ​ກະສອບເຂົ້າ ແລະ​ນັ່ງ​ໃນ​ຂີ້ເຖົ່າ​ໄຟ.

ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ພວກ​ຂ້ານ້ອຍ​ອົງ​ຊົງ​ເມດຕາ​ແລະ​ໃຫ້​ອະໄພ​ແກ່​ພວກ​ຂ້ານ້ອຍ ເຖິງ​ແມ່ນ​ວ່າ​ພວກ​ຂ້ານ້ອຍ​ໄດ້​ກະບົດ​ຕໍ່ສູ້​ພຣະອົງ​ກໍຕາມ.

ຜູ້ປົກຄອງ​ຄົນ​ນັ້ນ​ຈະ​ມີ​ຂໍ້​ຕົກລົງ​ຢ່າງ​ໜັກແໜ້ນ ກັບ​ຄົນ​ຈຳນວນ​ຫລາຍ​ເປັນ​ເວລາ​ເຈັດ​ປີ; ພໍ​ເມື່ອ​ສາມ​ປີ​ເຄິ່ງ​ຜ່ານ​ໄປ ລາວ​ຈະ​ສັ່ງ​ເລີກ​ບໍ່​ໃຫ້​ມີ​ເຄື່ອງ​ເຜົາບູຊາ ແລະ​ເຄື່ອງ​ບູຊາ. ເທິງ​ທີ່​ສູງສຸດ​ຂອງ​ພຣະວິຫານ​ນັ້ນ ຈະ​ມີ​ສິ່ງ​ແປກ​ປະຫລາດ​ອັນ​ໜ້າຢ້ານ ຕັ້ງ​ຢູ່ ແລະ​ມັນ​ຈະ​ຕັ້ງ​ຢູ່​ທີ່​ນັ້ນ​ຈົນເຖິງ​ເວລາ​ທີ່​ພຣະເຈົ້າ ເຮັດ​ໃຫ້​ຜູ້​ທີ່​ຕັ້ງ​ມັນ​ໄວ້​ນັ້ນ​ໄດ້​ພົບ​ຈຸດຈົບ.”