Popular Bible Verses from Malakaus 6

Share

Muaj tuabneeg coob-coob pheej tuaj noog Yexus qha, paab taag paab tuaj, ua rua Yexus hab Nwg cov thwjtim tsi muaj sijhawm noj mov le. Yexus txhaj has rua cov thwjtim tas, “Ca peb moog rua tej qhov chaw kws nyob ntsagtu, mej txhaj tau su mivntsiv.”

Yexus has rua puab tas, “Tej tuabneeg ob caag puavleej fwm tug xwbfwb cev Vaajtswv lug, tsuas yog cov tuabneeg kws nyob huv nwg lub zog, nwg cov kwvtij, hab nwg tsev tuabneeg txhaj tsi fwm nwg xwb.”

Thaus Yexus tawm huv nkoj lug, Nwg pum cov tuabneeg coob-coob ntawd, ua rua Nwg hlub puab kawg le, ruaqhov puab zoole paab yaaj kws tsi muaj tug tswv yug. Yogle, Yexus txhaj pib qha ntau zaaj rua puab noog.

Yexus tsi ua tej txujci tseemceeb rua qhov ntawd, Nwg tsuas yog tau tsaa teg rua sau qeeleej kuas zoo mob xwb. Yexus xaav tsi thoob, ruaqhov cov tuabneeg ntawd tsi muaj kev ntseeg. Dlhau ntawd, Yexus moog qha rua ntau lub zejzog kws nyob ibncig ntawd.

Tes Yexus txawm muab tsib lub ncuav hab ob tug ntseg lug, Nwg tsaa qhovmuag saib rua sau ntuj hab ua Vaajtswv tsaug. Nwg muab cov ncuav ndlais hab cev rua Nwg cov thwjtim nqaa moog faib rua suavdlawg. Nwg kuj muab ob tug ntseg faib rua puab hab. Txhua tug puavleej tau noj tsau huv tuabsi. Cov thwjtim moog sau tej ncuav hab tej ntseg kws suavdlawg noj tsi taag tau kaum-ob tawb puvnkaus.