Popular Bible Verses from Mathais 3

Share

Mej yuavtsum ua lub neej kuas qha tau has tas mej tub tso mej tej kev txhum tseg lawm.

Tes txawm muaj ib lub suab has sau ntuj tuaj has tas, “Tug nuav yog Kuv tug Tub kws Kuv hlub, Kuv txaussab rua Nwg heev.”

Thaus Yexus ua kevcai rausdlej taag, Nwg tawm huv haavdlej lug. Taamsim ntawd roojntug txawm qheb hlo, Nwg pum Vaajtswv tug Ntsujplig zoole ib tug nquab lug tsaws rua sau Nwg.

“Kuv muab mej ua kevcai raus rua huv dlej yog qha has tas mej tub tso mej tej kev txhum tseg lawm, tabsis tug kws yuav lawv kuv qaab lug, Nwg yuav muab mej ua kevcai raus rua huv Vaaj Ntsujplig tug Dlawbhuv hab suavtawg. Tug ntawd muaj fwjchim luj dlua kuv; kuv tub tsi tsimnyog nqaa Nwg nkawm khau khab.

Taamsim nuav raab taus tub nyob ntawm cov hauvpaug ntoo lawm; txhua tsob ntoo kws tsi txi cov txiv zoo yuav raug muab ntuv hab muab pov rua huv cub suavtawg.

Tug Yauhaas nuav yog tug kws tug xwbfwb cev Vaajtswv lug Yaxayas tub qha tseg lawm has tas, “Muaj ib tug qw nrov-nrov tom roob mojsaab qhua has tas, ‘Cale khu kev tog tug Tswv; Cale khu txujkev kuas ncaaj rua Nwg tau taug!’ ”