Popular Bible Verses from Mathais 2

Share

Thaus puab moog rua huv tsev, puab pum tug Mivtub hab Nwg nam kws yog Malis, puab txawm txhuscaug ndlua pehawm Nwg. Puab thau puab tej kub, tej tshuaj tswqaab, hab tej roj tswqaab maules huv puab cov naab lug pub rua tug Mivtub.

Yexus tau lug yug huv lub nroog Npelehees kws nyob huv cov Yudais lub tebchaws, ncaaj rua lub sijhawm kws Helauj taabtom ua vaajntxwv. Tomqaab ntawd tsi ntev, muaj cov tuabneeg kws txawj saib nubqub txawm tuaj saab nubtuaj tuaj txug huv lub nroog Yeluxalees. Puab nug has tas, “Tug Mivtub kws yuav ua cov Yudais tug vaajntxwv Nwg lug yug rua qhovtwg? Peb pum Nwg lub nubqub tawm tim saab nubtuaj tuaj, mas peb txhaj tuaj pehawm Nwg.”

Thaus puab pum lub nubqub ntawd puab zoosab kawg le.

Puab txawm rov lwm txujkev moog tsev lawm, vim puab tau ua npausuav pum Vaajtswv lug has rua puab kuas tsi xob rov moog qha rua Helauj. Thaus cov tuabneeg txawj saib nubqub rov moog lawm, Yauxej tau ua npausuav pum Vaajtswv ib tug timtswv ceebtsheej lug has rua nwg has tas, “Helauj yuav nrhav tug Mivtub nuav tua. Yogle, koj cale sawv hab coj tug Mivtub hab Nwg nam tsiv moog rua nraag tebchaws Iziv, hab nyob nraag moog txug thaus kws kuv kuas mej moog rua lwmqhov.”