Popular Bible Verses from Mathais 26

Share

Mej yuavtsum ceevfaaj hab thov Vaajtswv paab, mej txhaj tsi poob rua kev simsab. Lub sab yeej txaussab hlo, tabsis lub cev qaugzug zig.”

Nwg has rua puab tas, “Kuv nyuajsab tshuav tuag lawm xwb, mej cale nrug Kuv nyob ntawm nuav hab zuv tog.”

Yexus moog tomntej mivntsiv, tes Nwg txawm txhuscaug ndlua rua huv aav hab thov Vaajtswv has tas, “Kuv Txiv, yog tas ua tau, thov Koj muab lub khob ab khob dlaw nuav tshem ntawm Kuv moog! Txawm lecaag los thov tsi xob ua lawvle Kuv lub sab nyam, tabsis ca ua lawvle Koj lub sab nyam xwb.”

Nuav yog Kuv cov ntshaav, yog Vaajtswv lulug cogtseg, kws tau ndlwg lug rua ntau leej sub Vaajtswv txhaj zaam puab tej kev txhum.

Thaus puab tseem taabtom noj mov, Yexus muab ib lub ncuav lug ua Vaajtswv tsaug, muab ndlais hab cev rua Nwg cov thwjtim, hab has tas, “Lub ncuav nuav yog Kuv lub cev, mej cale txais moog noj.”

Tes Nwg muab ib khob cawv txivmaab lug ua Vaajtswv tsaug, Nwg muab cev rua puab, hab has tas, “Mej txhua tug cale txais moog haus.

Thaus Yexus rovqaab lug, Nwg pum puab peb tug thwjtim tsaugzug taag lawm; Nwg has rua Petus tas, “Mej tub yoo tsi taug dlaabndlub nrug Kuv nyob ib nyuas txoogteev le lov?

Kuv qha rua mej has tas, Kuv yuav tsi haus cov cawv txivmaab nuav ntxiv lawm, moog txug nub kws Kuv nrug mej haus cov cawv txivmaab tshab huv Kuv Txiv lub Tebchaws.”

tes Petus txawm ncudlheev txug tej lug kws Yexus has rua Petus has tas, “Uantej qab tsi tau qua, koj yuav tsi leeg paub Kuv txug peb zag.” Petus txawm tawm moog rua saabnrau hab quaj tusab kawg le.

Cale sawv es peb moog. Mej saib maj, tug tuabneeg kws ntxeevsab rua Kuv tub tuaj txug nuav lawm!”

Yexus has rua nwg tas, “Cale muab koj raab ntaaj ntxig rov rua huv lub naab, ruaqhov txhua tug kws siv ntaaj yeej yuav tuag rua nav ntaaj.