Popular Bible Verses from Mathais 14

Share

Tabsis thaus Petus pum cua ntsawj hlub heev nwg txawm ntshai, tes nwg cale pib tog rua huv dlej. Nwg txhaj hu nrov-nrov has tas, “Tug Tswv, thov cawm kuv!” Taamsim ntawd Yexus txawm cev loo teg moog tuav nkaus Petus hab has tas, “Uacaag koj kev ntseeg yuav miv ualuaj le! Uacaag koj tsi ntseeg?”

Tabsis thaus Petus pum cua ntsawj hlub heev nwg txawm ntshai, tes nwg cale pib tog rua huv dlej. Nwg txhaj hu nrov-nrov has tas, “Tug Tswv, thov cawm kuv!”

Taamsim ntawd Yexus has rua puab tas, “Xob poobsab! Yog Kuv xwb, tsi xob ntshai!”

Petus has tas, “Tug Tswv, yog tas yog Koj tag, thov Koj has kuas kuv moog kutaw sau nplaimdlej lug cuag Koj.” Yexus teb tas, “Lug maj!” Petus txawm tawm huv lub nkoj hab pib rhais ruam sau nplaimdlej moog rua ntawm Yexus.

Cov thwjtim kws nyob huv lub nkoj txawm txhuscaug ndlua hawm Yexus hab has tas, “Koj yog Vaajtswv tug Tub tag lau!”

Yexus teb tas, “Tsi xob kuas puab moog, mej cale nrhav rua puab noj!” Cov thwjtim teb tas, “Peb tsuas muaj tsib lub ncuav hab ob tug ntseg xwb.”

Yexus has tas, “Cale muab lug rua Kuv.” Yexus has kuas suavdlawg nyob quastsawg ntawm tej nyom; tes Nwg txawm muab tsib lub ncuav hab ob tug ntseg lug, Nwg tsaa qhovmuag saib rua sau ntuj hab ua Vaajtswv tsaug. Nwg muab cov ncuav ndlais cev rua cov thwjtim tes cov thwjtim txawm nqaa moog faib rua suavdlawg.

Txhua tug puavleej tau noj tsau huv tuabsi. Cov thwjtim moog sau tej seem kws suavdlawg noj tsi taag tau kaum-ob tawb puvnkaus.