Popular Bible Verses from Kalatias 5

Share

Tabsis lub txiv ntawm Vaaj Ntsujplig yog kev hlub, kev zoosab, kev kaajsab, kev ua sabntev, kev muaj sabdlawb sabzoo, kev ua zoo, kev ncaajnceeg, kev ua sabmog sabmuas, hab kev paub tswj tugkheej. Yeej tsi muaj ib txuj kevcai yuav txwv tej nuav hlo le.

Kuv has le nuav rua mej: mej yuavtsum ca Vaaj Ntsujplig ua tug coj mej lub neej, mej txhajle yuav tsi ua lawvle tuabneeg nqajtawv lub sab ntshaw.

Vim Vaaj Ntsujplig tau ua rua peb cajsa, peb yuavtsum ca Nwg ua tug coj taagnrho peb lub neej.

Cov kws nyob rua huv Yexus Khetos, puab tub muab taagnrho tej kws saab nqajtawv nyam hab ntshaw ntsa rua sau tug ntoo khaublig lawm.

Suavdlawg yeej paub txug tej kws tuabneeg nqajtawv lub sab nyam ua. Tej ntawd yog tshwm nyob rua huv kev nkauj kev nraug, kev phem kev qas hab kev ua le dlev le npua; pe dlaab pe mlom, ua khawvkoob; ua yeebncuab, siscaav sistshe, siskhib, npautawg, xaav ua tug hlub, muaj paab muaj pawg hab sisfaib, ntshaw luas tug, qaugcawv, qw ua nqaaj ua nqug, hab ua ntau yaam kws zoole tej nuav. Yaav taag lug kuv tub ntuag mej lawm, tabsis nwgnuav kuv rov ntuag mej dlua ib zag ntxiv has tas: cov tuabneeg kws ua tej ntawd, yuav tsi tau Vaajtswv lub Tebchaws lug ua puab tug.

Cov kwvtij, qhov kws Vaajtswv hu mej lug, yog Nwg xaav kuas mej muaj kev ywjpheej. Tabsis mej tsi xob muab txuj kev ywjpheej ntawd ua txuj haukev rua mej moog ua kev phem kev qas lawvle mej lub sab nyam. Ca txuj kev hlub ua rua mej ib tug txaussab hlo paab ib tug.

Ruaqhov tuabneeg nqajtawv lub sab yeej tsi nyam tej kws Vaaj Ntsujplig nyam, hab Vaaj Ntsujplig yeej tsi nyam tej kws tuabneeg nqajtawv lub sab nyam. Tuabneeg nqajtawv lub sab hab Vaaj Ntsujplig yeej ua yeebncuab, yogle ntawd, mej txhaj ua tsi tau lawvle mej lub sab nyam.

Ruaqhov txhua nqai Kevcai puavleej muab sau zog lug ua ib nqai kws has tas, “koj yuavtsum hlub koj tug kwvtij zejzog ib yaam le koj hlub koj tugkheej.”

Peb yuavtsum tsi xob muabhlub, tsi xob khaav tas yug zoo dlua luas, lossis ib tug tsi xob khib ib tug.

Qhov kws Khetos tso peb dlim ntawd tub yog Nwg xaav kuas peb muaj kev ywjpheej ntaag. Yogle ntawd, mej yuavtsum sawv khovkho tsi xob ca leejtwg coj mej rovqaab moog ua qhev dlua.