Popular Bible Verses from Tsiv Dlim 7

Share

Tug TSWV has rua Mauxes tas, “Kuv yuav ua kuas koj zoole Vaajtswv rua Falaus, hab koj tug tijlaug Aloos yuav ua koj tug cevlug.

Tabsis Kuv yuav ua kuas Falaus muaj lub sab tawv heev, txawm yog nwg yuav pum Kuv ua tej txujci txaus ntshai heev nyob huv tebchaws Iziv nuav npaumtwg los nwg yuav tsi noog koj tej lug. Thaus ntawd Kuv yuav tsaa Kuv txhais teg rautxim nyaav rua cov Iziv hab yuav coj Kuv tsaav tuabneeg Yixalayees txhua xeem tawm huv tebchaws Iziv moog.

Thaus Kuv tsaa Kuv txais teg lug tawmtsaam cov tuabneeg Iziv hab coj tsaav tuabneeg Yixalayees tawm huv puab lub tebchaws moog, puab yuav paub tas Kuv yog tug TSWV tag.”

Falaus txawm hu nwg cov tuabneeg txawjntse hab cov txawj ua yeegsiv tuaj, hab puab ua tau yeegsiv ib yaam le Mauxes obtug ua. Puab muab puab tej paas pov rua huv aav, tej paas ntawd txawm hloov ua naab taag le hab. Tabsis Aloos tug paas nreg muab puab tej paas nreg nqog taag huv tuabsi lawm.

Falaus, tug TSWV has tas zagnua koj yuav paub tas Nwg yog leejtwg lug ntawm tej txujci kws Nwg tseem taabtom yuav ua nuav. Koj saib nawb, kuv yuav muab tug paas nreg nuav nplawm tug Dlej Nais, mas tug dlej yuav hloov ua ntshaav.

“Yog Falaus has kuas meb ua txujci rua nwg saib, tes koj kuas Aloos muab nwg tug paas nreg povrhees rua ntawm Falaus xubndlag, tes tug paas ntawd yuav hloov kag ua ib tug naab.” Yogle ntawd, Mauxes hab Aloos txawm moog cuag Falaus hab ua lawvle tej kws tug TSWV tau xaaj tseg rua obtug. Aloos muab nwg tug paas nreg povrhees rua ntawm Falaus hab nwg cov numtswv xubndlag, tes tug paas ntawd txawm hloov kag ua ib tug naab.