Popular Bible Verses from Tsiv Dlim 20

Share

“Kuv yog tug TSWV, kws yog mej tug Vaajtswv, tug kws coj mej tawm huv tebchaws Iziv kws mej ua luas qhev lug. “Tsi xob muaj dlua lwmtug vaajtswv, tabsis tsuas muaj Kuv tuableeg xwb.

“Tsi xob puab tej mlom kws zoole tej nyob sau nruabntug lossis huv nplajteb nuav lossis huv tivtxwv rua mej. Tsi xob qhau hau lossis pehawm ib tug mlom twg le, ruaqhov Kuv yog tug TSWV, kws yog mej tug Vaajtswv, Kuv khib mej heev. Kuv yog tug kws rautxim rua cov kws ntxub Kuv, hab rautxim rua puab cov xeebntxwv moog txug peb hab plaub tam tuabneeg.

“Yuavtsum fwm mej nam mej txiv, sub mej txhaj yuav muaj sa ua neej nyob ntev rua huv lub tebchaws kws Kuv muab pub rua mej.

“Yuavtsum ncuntsoov nub Xanpataus, hab ceev ca ua nub dlawbhuv.

“Tsi xob muab Kuv lub npe siv ua-dlog ua-dlig, ruaqhov Kuv yog tug TSWV, kws yog mej tug Vaajtswv, yuav rautxim rua cov tuabneeg kws muab Kuv lub npe moog siv ua-dlog ua-dlig.

Mej muaj rau nub ua mej tej dlejnum, tabsis nub thib xyaa yog nub Xanpataus, kws yog Kuv nub su. Nub ntawd mej yuavtsum tsi xob ua dlejnum le, txawm yog mej tugkheej, mej tej mivnyuas, mej tej tubqhe, mej tej tsajtxhu lossis lwmtsaav tuabneeg kws nrug mej nyob huv mej lub tebchaws.

“Tsi xob ntshaw luas vaaj luas tsev; tsi xob ntshaw luas puj luas sev, luas tej tubqhe, luas tej nyuj, luas tej neegluav lossis ib yaam dlaabtsi kws yog luas tug.”

“Tsi xob ua timkhawv cuav tawmtsaam mej tej kwvtij zejzog.

“Tsi xob dleev luas quaspuj luas quasyawg.

“Tsi xob tua tuabneeg.

“Tsi xob ua tubsaab.