Popular Bible Verses from Tsiv Dlim 15

Share

Tug TSWV has rua puab tas, “Yog mej ua tuabzoo noog Kuv lug hab ua lawvle tej kws Kuv pum tas yog lawm, lug ntawm qhov kws mej ua lawvle Kuv tej lug xaaj, Kuv yuav tsi rautxim rua mej kuas muaj mob muaj nkeeg le kws Kuv tso rua cov Iziv; ruaqhov Kuv yog tug TSWV, tug kws khu mej tej mob tej nkeeg.”

Tug TSWV yog kuv lub zug hab yog kuv zaaj nkauj; Nwg yog kuv txuj kev cawmdlim. Nwg yog kuv tug Vaajtswv, kuv yuav qhuas Nwg, Nwg yog kuv txiv tug Vaajtswv, kuv yuav hunkauj qhuas Nwg lub fwjchim kws luj kawg nkaus.

“Tug TSWV, puas yuav muaj tej nyuas vaajtswv twg kws zoole Koj? Leejtwg txhaj zoole Koj, kws yog dlawbhuv kawg nkaus? Leejtwg txhaj tsimnyog qhuas hab ua tau tej txujci tseemceeb luj npaum le Koj?

Lug ntawm Koj txuj kev hlub kws ncaajnceeg, Koj coj cov tuabneeg kws Koj tau txhwv lug lawm; lug ntawm Koj lub zug, Koj coj puab moog rua lub tebchaws kws dlawbhuv.

Puab moog txug ntawm ib qhov chaw npe hu ua Malas, tabsis lub qhovdlej kws nyob ntawd ab heev, puab haus tsi taug le. Vimle ntawd, qhov chaw ntawd txhaj hu ua Malas. Cov Yixalayees ywg Mauxes hab nug has tas, “Peb yuav haus dlaabtsi nua?” Mauxes quaj qw thov tug TSWV hab tug TSWV qha ib yaav ntoo rua Mauxes, tes Mauxes muab yaav ntoo ntawd pov rua huv lub qhovdlej, dlej txawm cale zoo haus hab tsi ab lawm. Tug TSWV tau muab kevcai rua puab hab Nwg sim puab sab ntawm qhov chaw ntawd.