Popular Bible Verses from Tsiv Dlim 12

Share

“Mo ntawd Kuv yuav moog phua plhawv huv tebchaws Iziv, tua txhua tug tub hlub hab tej tsaj thawjtug mivnyuas kws yog tug txiv kuas tuag taag huv tuabsi, hab rautxim rua txhuanrho cov Iziv tej nyuas vaajtswv huvsi. Kuv yog tug TSWV. Tej ntshaav kws mej pleev ntawm ob tug puabrooj yuav ua lub cim, cim mej tej tsev kws mej nyob. Thaus Kuv pum cov ntshaav ntawd Kuv yuav hlaa mej moog hab rautxim rua cov Iziv, kuas mej txhaj tsi raug kev puamtsuaj.

Mej yuavtsum ncuntsoov muab nubnua ua ib nub tseemceeb rua mej. Mej yuavtsum ua kevcai ncu txug tej kws Kuv, kws yog tug TSWV, tau ua taag lug lawm. Mej yuavtsum ua kevcai le nuav ib tam rua ib tam moog le.”

Thaus mej cov mivnyuas nug mej has tas, ‘Tej kevcai nuav lub ntsab yog lecaag?’ Mej yuavtsum pav qha rua puab has tas, ‘Yog txuj kevcai Hlaa Dlhau kws peb ua tug TSWV tsaug, ruaqhov Nwg tau lug hlaa dlhau peb cov Yixalayees tej vaajtse kws nyob rua huv tebchaws Iziv. Nwg tua cov tuabneeg Iziv tabsis Nwg tseg peb ca.’ ” Ibtsoom pejxeem Yixalayees txawm txhuscaug ndlua rua huv aav hab pehawm tug TSWV.