Popular Bible Verses from Yawˇlaˆ 2

Share

Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni, naw maꞈ-euˬ iˬ baˇ noeˬ poˆ-awˇ, maˬ dzaˬ-eu zahˇ jahˇ-eu laꞈ kʼoeˇ, nui noeˬ shaˬ-awˇ ngoeˇ-eu laꞈkʼoeˇ, ngaˇ jawˇ gaˇ paˇ gʼoꞈ kʼoꞈ laˇ-awˬ.

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.