Popular Bible Verses from Eˇpeˇsu 6

Share

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Nehꞈ sahˬ paˬ tsawˇ gahˇ gahˇ laˇ gaˇ naw maꞈ gʼaˬ leˇ nya ni, Miˬyehˇ neh biꞈ laꞈ-euˬ guiˇ deuˆ-eu keu ka dawˬ tawˆ luꞈ-ahˇ dm-awˬ.

Haiˬ-eu aˇ nah aˇ yamˬ kʼoeˇ keuˆ le ngeh, muiˇ-eu deuˬ deuˆ le gaˇ naw maꞈ ciˬ daˬ coeˇ-awˇ, aˇ saˬ deuˆ saˬ ngeh keuˆ ni tiˬ toꞈ-iˬ maˬ jiˆ kʼoꞈ-iˇ ni ziꞈ dah ni yawꞈ tehˬ coeˇ-eu gʼaˇ duˬ, Miˬyehˇ-euˬ guiˇ deuˆ-eu keu ka dawˬ tawˆ luꞈ-ahˇ nymˬ-mˇ dm-awˬ.

Kʼoeˇ uˬ taꞈ, Haiˬ dui dui-eu Gʼaˬ neh beuˆ gʼeh laꞈ-euˬ miˬ dzaˬ doꞈ-eu kaˆ myaˬ deuˬ bi miˆ-iˇ-eu gʼaˇ duˬ, jah-eu jeˬ pyeuꞈ-eu dehˬ daˬ duˬ-ahˇ aˬ myah luꞈ ziꞈ dah ni tuˆ tehˬ taˬ-awˬ. Ka kʼoꞈ-eu jeˬ pyeuꞈ-eu shmˇ uˬ kʼoˆ kʼoˆ-awˇ, Yaw sahˇ Miˬyehˇ neh biꞈ laꞈ-euˬ mi cehˇ pyeuꞈ-eu Miˬyehˇ-euˬ dawˬ kawˬ-ahˇ tuˆ tehˬ taˬ-awˬ.

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ. Biˬ tsaˬ bi dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ sehˬ nawˆ nawˆ-awˬ.

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

“Nawˬ da nawˬ ma-ahˇ yaw zeu baw-awˬ” lehˇ ehˇ-eu zahˇ dawˬ kʼoꞈ dawˬ heu dawˬ-aˬ, naˇ haˬ geuꞈ-eu tsawˇ haˬ deuˬ-ahˇ Miˬyehˇ guiˬ lahˬ biꞈ-eu gʼaˇ duˬ saˇ jaˇ dzaˬ taˬ-euˬ zahˇ dawˬ kʼoꞈ dawˬ yaw beh dawˬ meh. “Kʼoeˇ loꞈ-ehˇ yaw zeu baw naˇ, nawˇ yawˬ jeˬ na luꞈ laꞈ kʼoeˇ baw le za le-awˇ, miˇ tsaˬ kʼoeˇ taˆ dehꞈ ngeh ziˇ baw ziˇ za tehꞈ-a.”

Zaˬ deuˬ-oˇ, Sahˬpaˬ Yeˬsuˇ laꞈ kʼoeˇ yawˬ ha-euˬ aˬ da aˬ ma ehˇ dawˬ naˇ haˬ-awˬ. Naw maꞈ kʼoeˇ loꞈ-ehˇ mˇ-eu tsaˬ dui dui meh.