Popular Bible Verses from Eˇpeˇsu 5

Share

Naw maꞈ-aˬ, Miˬyehˇ gaˬ dui dui-eu zaˬ deuˬ pyeuꞈ-eu loꞈ-ehˇ, aˬ yawꞈ-ahˇ duˇ laˇ ni leh jeh-awˬ. Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Naw maꞈ za-euˬ muiˬ-eu aˇ yamˬ-ahˇ gaˇ dahˇ tsoeˬ ni zmˬ-awˬ. Aˬ jeˬ miˇ neh ehˇ naˇ, aˇ nah aˇ yamˬ heu yamˬ-aˬ, haiˬ-eu aˇ yamˬ pyeuꞈ-eu meh.

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ. Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ. A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

La li-ahˇ yaw zeu baw-eu laꞈ kʼoeˇ, tiˬ gʼaˬ-euˬ laꞈ oˆ tiˬ gʼaˬ yaw muiˬ-ehˇ jawˇ-awˬ.

Miˬ zaˬ deuˬ-oˇ, Sahˬpaˬ Yeˬsuˇ-euˬ ehˇ dawˬ naˇ haˬ-eu loꞈ-ehˇ, yawˬ ha kʼaˬ dzeˇ zaˬ-euˬ ehˇ dawˬ naˇ haˬ-awˬ.

Jaˇliꞈ heu deuˆ naw maꞈ-ahˇ kʼawꞈ taꞈ leˇ-eu meh. Kʼaˬ dzeˇ zaˬ yawˬ gʼaˬ na luꞈ yawˬ ha-euˬ gʼawˇ mawˇ-ahˇ gaˬ-eu loꞈ-ehˇ yawˬ ha-euˬ miˬ zaˬ-ahˇ ya gaˬ-awˇ, miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu ya baw-eu meh.

“Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ haˬ-euˬ miˬ zaˬ-ahˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ pyeuꞈ laˇ-euˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.