Popular Bible Verses from Dawˬmehˬ 4

Share

Kʼoeˇ gaˇ, Sahˬpaˬ Miˬyehˇ-ahˇ naw maꞈ poˆ-awˇ, naw maꞈ-euˬ nui ma saꞈ laˇ dawˬ tawˆ luꞈ aˬ yawꞈ-ahˇ poˆ naˇ, ya mawˇ tehꞈ-a.

Aˬ yawꞈ-aˬ, gʼawˬ shaˬ gaˬ nya-eu Miˬyehˇ pyeuꞈ-eu meh. Naw maꞈ-ahˇ aˬ yawꞈ maˬ byehˇ dzeh-a. Maˬ laˆ luˬ maˬ laˆ seˇ-a. Naw maꞈ-euˬ aˬ poeˬ aˬ bawˇ deuˬ nehˬ-ehˇ aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.

“Aˇ naˆ ni huiˬ-eu tsawˇ jeuˬ maˬ kaˬ, aˬ yawꞈ maꞈ loˬ ngeh caw ba nehˬ nya-eu aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ loꞈ-ehˇ gʼeh-eu miˬ yehˇ maˬ jawˇ-a. Aˬ yawꞈ-ahˇ aˬ dui loˬ-awˇ kʼaˇ shaˇ ngeh, aˬ dui-euˬ shaˇ dawˬ naˇ haˬ nehˬ laꞈ-eu meh.

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.

Ngaˬ neh naw maꞈ-ahˇ dawˬ biꞈ taˬ-eu gaˇ, dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a. Ngaˬ neh naw maꞈ-ahˇ biꞈ taˬ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, naw maꞈ naˇ haˬ geuꞈ-awˬ.