Popular Bible Verses from Dawˬmehˬ 1

Share

‘Tsawˇ haˬ kʼoeˇ deuˬ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ gʼeh-awˇ, Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ naw maꞈ ya mawˇ-euˬ loꞈ-ehˇ, tsawˇ haˬ kʼoeˇ deuˬ-ahˇ kʼawꞈ, naw maꞈ gʼaˇ duˬ aˬ yawꞈ guiˇ deuˆ tehꞈ-a. Kʼoeˇ uˬ taꞈ, bawˇ tsahˬ bawˇ dahˇ laꞈ kʼoeˇ aˬ yawꞈ neh mˇ-euˬ gaˇ deuˬ-ahˇ kʼawꞈ, naw maꞈ ya mawˇ-euˬ meh. Aˬ da tiˬ gʼaˬ yawˬ ha-euˬ aˬ li-ahˇ ciˬ gʼeh-eu loꞈ-ehˇ, gaˇ pehˇ kahˇ li-ehˇ, heu gaˇ keuˆ ni naw maꞈ-ahˇ aˬ yawꞈ sheuˬ keuˆ laꞈ-euˬ meh’ lehˇ ngaˇ naw maꞈ-ahˇ ehˇ-euˬ maˬ ngeuˇ-a loˇ.

Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahꞈpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ heu myaˆ maˬ tseˇ tiˬ heˇ bymˇ paˇ bi myaˬ paˇ bi behˇ laˇ-awˇ, bi baw bi za le luꞈ-uˇ.

“Siˇnaˆ gawˬ jawˬ-ahˇ aˬ dui jawˇ luꞈ ngeh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ heu loꞈ-ehˇ ehˇ-eu meh. ‘Gawˬ jawˬ heu jawˬ-ahˇ naw maꞈ jawˇ luꞈ-eu myahˇ laˇ-euˬ meh.

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.