Popular Bible Verses from 2 Gawˇliˬtu 4

Share

Aˬ jeˬ miˇ neh ehˇ naˇ, myaˆ nuiˆ haw mawˇ nya-eu jeˬ-ahˇ aˬ dui noeˬ tsoˆ taˬ-euˬ maˬ ngeuˇ. Myaˆ nuiˆ maˬ haw mawˇ nya-eu jeˬ-ahˇ noeˬ tsoˆ taˬ-euˬ ma. Myaˆ nuiˆ haw mawˇ nya-eu jeˬ-aˬ, tiˬ kʼehˇ laˇ kʼehˬ gmˬ-eu tehꞈ meh. Ehˇ kʼawꞈ, myaˆ nuiˆ maˬ haw mawˇ nya-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh.

Heu miˇ neh, nga maꞈ-euˬ nui ma tiˬ jawˇ-iˬ gʼaˬ maˬ baˬ. Nga maꞈ-euˬ shiˬ shaˬ jiˇ gʼawˇ mawˇ tiˬ jawˇ saˇ-iˬ tiˬ jawˇ teˬ le byoˆ le luꞈ kʼawꞈ, nga maꞈ-euˬ saꞈ laˇ gʼawˇ mawˇ tiˬ nah saˇ-iˬ tiˬ nah gʼaˬ yaw shuiꞈ za luꞈ ma. Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ. Kʼehˬ-eu kʼaˆ-eu jeˬ-ahˇ ya daˬ-euˬ ma. Ehˇ kʼawꞈ, cawˬ tiˬ gʼaˬ-iˬ maˬ baw ni bi byehˇ dzeh gaˇ maˬ keuˆ-aˬ siˬ. Diˬ lah nehˬ laꞈ gaˇ ya daˬ-euˬ ma. Ehˇ kʼawꞈ, shiˇ tsehˆ gaˇ maˬ keuˆ-aˬ siˬ.

Ehˇ kʼawꞈ, huiˬ dui dui-eu baoˬ-aˬ, nga maꞈ-euˬ maˬ ngeuˇ-ehˇ, Miˬyehˇ-euˬ pyeuꞈ-eu gaˇ kawˆ siˬ duˬ mawˇ duˬ laˇ ni, nga maꞈ-aˬ, saꞈ laˇ paw taꞈ leˇ-eu poeˬ dui dui-eu pyuˇ shuiˇ myawˬ gahˬ heu deuˬ dawˆ ahˇ taˬ-euˬ miˇ tsaˬ oeˬ lahˬ loˆ ni tehꞈ ma.

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.