Popular Bible Verses from 2 Gawˇliˬtu 3

Share

Nymˬ-mˇ Sahˬpaˬ Miˬyehˇ lehˇ ehˇ-eu heu-aˬ, Yaw sahˇ Miˬyehˇ-ahˇ ehˇ-eu meh. Sahˬpaˬ Miˬyehˇ-euˬ Yaw sahˇ-aˬ, aˬ dui-ahˇ bi buˬ bi law-iˇ laꞈ-eu meh.

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

Ehˇ kʼawꞈ, tsawˇ haˬ tiˬ gʼaˬ Sahˬpaˬ Miˬyehˇ jawˇ gaˇ gʼoꞈ kʼoꞈ laˇ naˇ, saˬ paˇ kʼoeˇ hmˬ-ahˇ yuˇ dzeh nehˬ-eu meh.

Gaˇ heu nga maꞈ mˇ nya ma lehˇ ehˇ paˬ-ehˇ nga maꞈ laꞈ kʼoeˇ tiˬ jeˬ-iˬ maˬ ahˇ. Nga maꞈ mˇ nya-eu kʼoeˇ-aˬ, Miˬyehˇ neh biꞈ laꞈ-euˬ jeˬ pyeuꞈ-eu meh. Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.