Popular Bible Verses from PONGINTABAN 20

Share

Nga' togodo' nod TUHAN i Musa om i Harun. Om boros kad TUHAN, “A' kou minonongkuyaan kopio doho' do popoimbulai do sinundu ku dit olidang dot id toguang diti tulun dot Israil, om iri no ot a' dokoyu koina-inaan do momoyo' diyolo' do sumuang di pomogunan di pinabatos ku dot id diyolo',” ka dau.

“Ngoyo' i sukud di hilo'd dotimbabaan di Kaban do Tumpongo om timungon nogindo dokoyu di Harun i tulun dot ogumu'. Om hiri nondod dotoguangan ngai' diyolo' do moro-boros ko dot id tontolob dilo hoodi', om sumoliwan nondo o waig do mantad id tontolob dilo' do tinumon di tulun dot ogumu' om tinumon di tayam-tayam diyolo',” ka.

Om pobilido' nod i Musa i sukud om pobobogo' no dau di tontolob dot induwo pobobogo'. Om luyung nopo o waig dot agayo tomod om ologod do mantad hiri'd tontolob, gisom do nongkoinum ngai' i tulun om i tayam-tayam diyolo'.

Om timungo' no diyo Musa di Harun o koinsanai di tulun do hiri'd dotimbabaan di tontolob. Om boros kad Musa, “Pokinongou ngai' kou no, iyokoyu it obinsaap! Minog no tuu kopio do posoliwan iyahai'd waig do mantad id tontolob diti do maan dokoyu?” ka.