Popular Bible Verses from MARKUS 16

Share

Om boro-boros noddi i Yesus diyolo' do poingkaa, “Ongoi kou no dot id pointongkop do pomogunan om popinsusuyon no dokoyu i Habar dot Osonong do mantad id Kinorohingan dot id pointikid-tikid do tulun.

Koinsanai'd tulun dit otumbayaan doho' om onuan nondo iyolo'd kuasa do momonsoi'd koimayaan: monunsub nondo iyolo' do rusod dot araat dot id suang do ngaran ku, om mimboros iyolo' di boros dit a' diyolo' noilaan mantad. Ondung koigit iyolo'd tulanut ko' koinum di kawanit om a' i' iyolo' matai. Om ondung sukabayan diyolo' i tulun do sumakit om ongolingasan nopo i tulun diri,” ka di Yesus.

Iri nopo tulun dit otumbayaan om i nobotisan om apasi no. Nga' iri nopo tulun dit a' otumbayaan om hukuman no.

Om pamanau noddi i piro-piro o tumatanud dau do pinopopinsusui di habar do mantad id Kinorohingan do hinonggo-honggo nopo. Om Tuhan nga' minuhup i' diyolo' do momonsoi do karaja'ddi. Om pinopointalang kopio dot otopot kopio i popinsusuyon diyolo' dot i kongoimayaan o pinopointalang kopio.] [

Om boros ka di tanakwagu'ddi dot id diyolo', “Kada' kou kooris! Oilaan ku i' do mogihum kou daa di Yesus i tulun do Nasarit i pinasalib diri. A' no iyau hino'd hiti. Tu' napasi no iyau kawagu! Ongoi kou pogi' ontong dilo kinoliiyon dau.

Om tontok di hiri po iyolo'd tanga'd ralan om pogiboro-boros no iyolo' do poingkaa, “Isai ma o monulung dati' do momoliid di watu di pinonompon di wawayaan di lobong diri?” ka. Tu' iri nopo i watu'ddi om agayo kopio. Om korikot noddi iyolo' do hiri'd lobong, nga' kokito no diyolo' do noliid no i watu. Om suang noddi iyolo' do hiri'd lobong diri. Om kokito no diyolo' o songulun o tanakwagu do kipakayan dot anaru dot opurak, do poirikau do hiri'd suang di lobong do hiri'd dawananan diyolo'. Om kapagag nopo iyolo'.