Popular Bible Verses from PONUGUTAN 7

Share

Soro-sorohon no dokoyu, do TUHAN nopo i Kinorohingan dokoyu om iso' noo, om iyau noo o Kinorohingan, om otorodok kopio iyau. Om sulungon i' kopio dau i batos dau om pointalang iyau do kosianan dau dit aiso' o kopupuson dot id rinibuan o sinakagon do tulun dit osianan dau om it otorodok do tumanud ngai' di ponuhuan dau.

Wonsoyon ngai' no dokoyu o miagal diri, tu' iyokoyu nopo om TUHAN no i Kinorohingan o sanganu. Id pialatan nopo do koinsanai'd bansa'd tulun do hiti'd pomogunan, om iyokoyu no o pinili'd TUHAN do sumiliu'd tulun dau di dau kopio do songonuon.

Nga' nosianan i' o TUHAN dokoyu om pilio' kou noddi dau tu' orohian iyau do mamayaan di batos dau dot id taki-aki dokoyu. Om iri no o kinopomosian dau dokoyu dot i sinundu dau dit agayo kopio o pinamasi, om pinoidu' kou nogi' dau do mantad id turiponon di raja' do Masir.

Okon i' ko' kosopoho' dokoyu ko' mantad do bansa'd suwai o kinosianan om kinopomilian do TUHAN dokoyu, tu' iyokoyu no it okuri' kopio do hiti'd pomogunan.

Aiso' no o bansa'd tulun do suwai do hiti'd pomogunan dot onuan dau do barakat dot ogumu' dot iyo di patahakon dau dot id dokoyu. Aiso' i' o songulun piya dot id pogialatan dokoyu ko' id pogialatan po di tayam-tayam dokoyu dot a' maganak.