Popular Bible Verses from PONUGUTAN 5

Share

Pusohon no dokoyu i tapa' om tina' dokoyu, do tumanud di ponuhuan ku dokoyu, om osonong-sonong kou indo om alaid kou do poingiyon dot id pomogunan di patahakon ku dot id dokoyu.

Tonudon ngai' no dokoyu iri om osonong-sonong kou i' om kopomogun kasai' kou do hilo'd pomogunan di ngoyon dokoyu pomogun-mogunai,” ka di Musa.

Kada' kou podsubak do nunu nopo i rait ko' tingolig, om kada' kou tuku' dot id tingolig diri tu' iyoho' no o TUHAN i Kinorohingan dokoyu, om a' oku i' orohian do haro o mongoi iyo-iyo doho'. Tulun nopo dit araatan doho' om hukuman ku no, om hukuman ku i manangaki dau do gisom dot intolu om ingapat kopilombus o sinakagon dau. Nga' pointalangon ku indo o kosianan ku dot id tulun dit osianan doho' om it otorodok do tumanud ngai' di ponuhuan ku, do gisom dot impiro-piro noribu pilombus o sinakagon dau.

Kada' kou pomonsoi do nunu nopo o tininganak do poiyo-iyoon di hilo'd tawan ko' i hiti'd tana', ko' i hilo'd saalom do waig dit id saalom do tana'.

Kada' kou tuku' dot id ponokokinorohingan do suwai, suwai ko' iyoho' noo o tukuon.

Kada' kou pamarait do ngaran ku dot araat o kopomoroitan, tu' iyoho' nopo, i TUHAN i Kinorohingan dokoyu, om momohukum i' dot isai nopo i mamarait do ngaran ku dot araat o kopomoroitan.

Oondos oku no do kopuriman kasai' daa iyolo' do miagal diri! Om oondos oku do momusou kasai' daa iyolo' doho' om otorodok do mumboyo' do koinsanai di pinonuhuan ku, om osonong-sonong ngai' i' daa'ndo iyolo' om i sinakagon diyolo' do gisom dot alaid.

Poinggoyoon no om pusohon no i tadau'd Sabat, om silihon nori do tadau dit olidang do tumanud di pinonuhuan do TUHAN i Kinorohingan dokoyu, dot id dokoyu.

Kada' kou korohiai di sawo do kusai'd suwai. Om kada' kou korohiai di walai dau, ko' i tana' dau, ko' i turipon dau, ko' i sapi' dau ko' i kaladai dau, ko' nunu nopo i dau'd songonuon,’ kad TUHAN.

Kada' kou pagampahu'.

Kada' kou pasala' do tulun do suwai dot a' otopot o kapasalaan.

Kada' kou pamatai.

Kada' kou panakau.

Hondomo' no dokoyu do nosiliu kou i' do turipon do hilo'd pomogunan do Masir di gulu po, om iyoho' no i TUHAN i Kinorohingan dokoyu o pinoposoliwan dokoyu dot i kuasa' om i kokorisan ku dit agayo kopio o pinoposoliwan ku dokoyu. Om iri no o koponuhuan ku dokoyu do momusou kopio di tadau'd Sabat.

Onuan ku iyokoyu dot onom o tadau do kakarajaan. Nga' iri nopondo tadau di koturu' om tadau no do koundarangan di nokotobilang do maan do doho'. Tontok nopo do tadau'ddi om aiso' no o songulun piya do koino-ino do kumaraja' — dot iyokoyu tuu ko' i tangaanak dokoyu ko' i turipon dokoyu, ko' i tayam-tayam dokoyu, ko' i bansa'd suwai di momogun-mogun dot id pomogunan dokoyu. Turipon piya dokoyu nga' poundorongon i' do miagal dokoyu.

‘Iyoho' no o TUHAN i Kinorohingan dokoyu, i pinoposoliwan dokoyu do mantad hilo'd Masir, i pomogunan di kinosilihan dokoyu'd turipon di gulu po.