Popular Bible Verses from رومیلار 3

Share

سِبَبی هِمّه‌لِر گونَه اِدیپ، خودایینگ بِییکلیگینه یِتمِکدِن ماحروم بُلدولار.‏ یُنه اُلار خودایینگ مِرحِمِتینینگ اوستو بیلِن مُفت آقلاندیلار و عیسی مسیحینگ اوستو بیلِن گونَه‌لِرینینگ جِزاسیندان آزاد اِدیلدیلِر.‏

عیسی مسیحه ایمان گِتیرمِگینگ اوستو بیلِن هِمّه ایماندارلار خودایینگ حوضوریندا آقلانیاندیرلار.‏ شو باباتدا آداملارینگ آراسیندا هیچ تَفاوُتی یُقدور.‏

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

شِیلِلیکده، شِریغاتینگ تابشیریقلارینی بِرجای اِتمِگینگ اوستو بیلِن خودایینگ حوضوریندا هیچ کیم آقلانیپ بیلمِز.‏ تِرسینه، بو شِریغاتینگ اوستو بیلِن آدام اُزونینگ گونَه‌لیدیگینه قاوی بیلیَر.‏

مُقادِّس یازغیلاردا هِم شِیله یازیلاندیر:‏ ‏«‏دُغری آدام یُق، یُق یِکه بیری-ده.‏ دوشونیَن آصلا یُق، خودایی آغتاریان-دا یُق.‏ اُلارینگ هِمّه‌سی دُغری یُلدان چیقدی، و هِمّه‌سی بیلِلیکده باطیل بُلدی.‏ یاخشیلیق اِدیَن یُق، یُق یِکه بیری-ده.‏

بیز آداملار شِریغاتی بِرجای اِتمِگینگ اوستو بیلِن دَل-ده، ایمانینگ اوستو بیلِن آقلانیاندیغینی بیلیَریس.‏

آصلا اِتمِز!‏ هِمّه آداملار یالان آیتسادا خودای هیچ هاچان یالان آیتماز.‏ سِبَبی مُقادِّس یازغیلاردا خودای بارادا:‏ ‏«‏شُنونگ اوچین سِن کِپلَنینگده حاقلیسینگ، و قاضیلیق اِدِنینگده، اوستون چیقانسینگ»‏ دییّپ یازیلاندیر.‏