Popular Bible Verses from Rome 12

Share

Anang nitihka chara dunya, tang awakka Allah Taala ngubah chara kita berunding, ngambika kita nemu peneka Iya--iya nya utai ti badas, ti ngerinduka ati Iya, ti pemadu menyana.

Nya alai, menyadi, ulih pengasih Allah Taala, aku minta kita nyerahka tubuh kita nyadi piring ti idup, ti kudus, ti dikerinduka Allah Taala. Nya meh jalai kita patut nyembah Iya.

Gaga ati ke pengadang kita, liat ati natka pemerinsa, majak besampi.

Anang alah laban penyai, tang alahka penyai ngena pemadas.

rinduka pangan diri enggau ati ti angkun laban kita diri menyadi enggau pangan diri; awakka kita berebut ngayanka basa ngagai pangan diri.

Rindu enggau pengabis ati; begedika penyai; bepegai teguh ba utai ti badas

Enti ulih, seagi-agi utai nya bepanggai ba kita, diau bebaik enggau semua orang.

Menyadi, anang malas, tang awakka Allah Taala ngayanka pengeringat Iya; laban endang udah ditulis, “Aku ke malas, Aku deka mayar, ku Tuhan bejaku.”

Anang lembau, seruran rajin nitihka Roh Kudus, bekereja ke Tuhan.

Laban ulih pengasih ti diberi Allah Taala ngagai aku, aku bejaku ngagai genap iku kita: anang ngumbai diri pama agi ari ti patut, tang enggau ati ti baruh, peresa diri empu nitihka pemesai pengarap ti diberi Allah Taala ngagai kita siku-siku.

Anang malas penyai ngena penyai, tang kereja utai ti ngena dipeda semua orang.

Diau bepangan enggau diri sama diri; anang ngeninggika diri, tang begulai enggau orang ke baruh ati; anang sumbung.

Anang. “Enti munsuh kita lapar, beri iya makai. Enti iya aus, beri iya ngirup, laban lebuh kita ngereja nya, kita nugungka bara api ba puchuk pala iya.”

Berekatka orang ke merinsaka kita; berekatka sida, anang nyumpah sida. Rami gaga enggau orang ke rami gaga, nyabak enggau orang ke nyabak.

Beri utai ngagai nembiak Tuhan ke suntuk, lalu sambut temuai ngagai rumah kita.

Laban baka tubuh kitai ti mayuh perengka, lalu pengawa ti dikereja sida siti-siti endang enda sebaka, baka nya mega kitai; taja pen kitai tu mayuh, tang kitai tu nyadi siti tubuh dalam Kristus, seraban enggau pangan diri.