Popular Bible Verses from Rome 11

Share

Laban semua utai endang datai ari Iya, digaga ulih Iya, nyadika enggi Iya. Puji meh Iya belama iya! Amin.

Naka meh pemesai pengaya Allah Taala! Naka meh pemintar enggau penalam penemu Iya! Nadai orang tetemuka atur enggau jalai Iya!

“Laban sapa nemu runding Tuhan? Sapa ulih ngajar Iya?

Nya alai baka nya mega diatu: semina mimit aja orang agi tinggal, ke udah dipilih ulih pengasih. Tang enti sida udah dipilih ulih pengasih, reti nya sida ukai dipilih beduduk ba pengawa ti dikereja sida, laban enti sida dipilih beduduk ba pengawa ti dikereja sida, reti nya pengasih ukai pengasih.

Tang enti sekeda dan kayu kana nya ditetak, lalu kita ke dan kayu kana ti tumbuh-diri dalam babas, dikawinka ngagai batang kana nya, ba endur alai dan nya, lalu bulih pengidup ari kayu nya, anang temegahka diri ti udah ngambi endur sida. Enti kita temegah, kingatka tu: ukai kita ke meri urat makai, tang urat ti meri kita makai.