Popular Bible Verses from Masmur 119

Share

Leka jaku Nuan nyadika lampu tenggau aku nyadika tenggau jalai aku.

Aku udah nyimpan adat Nuan dalam ati aku, ngambika aku enda bedosa ngelaban Nuan.

Baka ni ku orang ke biak ulih ngintu pendiau diri tuchi? Ari sida ke ngasika pesan Nuan.

Beberekat meh orang ke nitihka adat TUHAN, ke ngiga Iya enggau pengabis ati sida.

Nuan meh penyaga enggau pengelindung aku. Aku manggaika pengandal ati aku ba semaya Nuan.

Asuh aku mereti, ngambika aku ngasika adat Nuan lalu nitihka iya enggau pengabis ati aku.

Asuh ati aku inginka adat Nuan, ukai inginka pengaya.

Aku untung natka diri kena perinsa, ngambika aku nemu belajarka adat Nuan.

Tu meh utai ti ngenyamaika ati aku lebuh aku natka diri merinsa, iya nya, semaya Nuan deka meri aku pengidup.

Iring aku nitihka pesan Nuan, laban aku rinduka iya.

Ajar meh aku, O TUHAN, reti adat Nuan, lalu aku deka ngasika adat nya datai ke ujung.

Aku enda ulih natka ati diri ti tusah. Keringka aku, munyi ti udah disemaya Nuan.

Aku rinduka adat Nuan! Aku belematika iya sepemanjai hari.