Popular Bible Verses from Jaku-dalam 12

Share

Pengirau ati nuan ulih muai pengelantang, tang jaku ti siru deka ngelantangka ati nuan.

Orang ke rinduka penemu, minta orang ngajar sida. Kitai beli enti kitai pedis ati diajar.

Leka jaku ti disebut enggau enda berunding, ngasuh ati balat telih baka pedang, tang jaku ti disebut enggau bejimat, ulih nyuman.

Orang ke beli seruran ngumbai diri ngena, tang orang ke pintar, mendingka jaku lalau.

Lebuh orang ke beli ringat, iya lalu tekala nya mandangka pengeringat iya, tang orang ke pintar, nadai ibuhka diri dipechat.

Bini ke menyana deka ngasuh laki iya temegah sereta gaga, tang bini ke ngasuh laki iya malu nya baka penyakit riman ti makai tulang.

TUHAN begedika orang ke bula, tang Iya gaga ati ke orang ke ngamatka semaya diri.

Orang ke lurus ulih ngiring pangan iya, tang jalai orang ke jai deka mai sida limpang.

Pemula enda ulih tan lama, tang utai ti bendar deka meruan belama iya.