Popular Bible Verses from Jaku-dalam 11

Share

Orang ke meri enggau ati ti gerah mudah, deka nyadi kaya-raja. Orang ke nulung orang bukai, deka bulih tulung ari orang.

Orang siku meri enggau ati ti gerah mudah, tang iya nyadi lebih agi kaya. Siku ti bukai rangka, tang seruran suntuk.

Orang ke sumbung deka jampat dipechat. Enti nuan nemu ngemaruhka diri, nuan bepenemu-dalam.

Bansa deka alah enti iya nadai orang ngiring. Enti mayuh penyanding penemu, bansa deka diau likun.

Pengelurus deka meri pengidup, tang pemangah deka muai pengidup.

Orang ke chabul mulut enda tau dikarapka nyimpan resia, tang nuan tau ngarapka orang ke amat tau dikarapka.

Nuan nyamai diau enti nuan nelap. Enti nuan jai enggau orang, nuan semina ngemediska diri empu.

Orang ke manggaika diri ba pengaya, deka labuh baka daun lebuh musin ruruh, tang orang ke lurus deka galak baka daun lebuh musin panas.

Pengaya nadai pulai ke penguntung nuan lebuh nuan nyau deka mati, tang ati ti betul ulih ngelepaska nuan ari pemati.

Enti nuan orang ke menyana, nuan diiring ati ti betul. Orang ke enda tau dikarapka, dirusak ati sida ti enda betul.

Ba indu ke enda nemu berunding, pemajik nya baka tinchin emas ti ba junggur babi.

TUHAN begedika orang ke ngena dachin ti enda betul, tang Iya lantang ati ke timbang ti betul.