Popular Bible Verses from Isaiah 51

Share

Ku TUHAN bejaku, “Aku tu ke meri kita pengering. Nama kebuah kita takutka mensia, ti nadai lebih agi tan ari rumput?

Aku mintarka langit lalu nudukka pugu dunya. Ku Aku bejaku ngagai Jerusalem, ‘Kita tu nembiak Aku! Aku udah meri jaku ajar Aku ngagai kita, lalu Aku nyaga kita ngena jari Aku.’ ”

“Pendingka Aku, kita ke nemu pengelurus, ti udah ngelekatka ajar Aku dalam ati kita. Anang takut lebuh orang ngelese sereta mechat kita.

“Aku deka ngayanka penyiru Aku ngagai Jerusalem, ngagai semua orang ke diau dalam tembawai iya. Taja pen menua iya udah nyadi menua puang, Aku deka ngaga iya nyadi kebun, baka kebun ti digaga Aku di Eden. Orang deka gaga sereta lantang ati diau dia, sereta nyanyi pantun puji enggau belagu meri terima kasih ngagai Aku.

Sida ke udah dilepaska Nuan deka datai di Jerusalem enggau ati ti gaga, belagu sereta manjung gaga ati. Sida deka lantang ati belama iya, dilepaska belama iya ari ati ti sinu sereta tusah.