Popular Bible Verses from Esekiel 34

Share

“Aku deka ngiga sida ke tesat, mai sida ke lelang pulai baru, malut telih sida, lalu ngeraika sida ke sakit. Tang Aku deka ngerusak sida ke gemu sereta kering, laban Aku tu Pengibun Bedus ti ngereja utai ti ngena.

Baka pengibun bedus ke ngiga bedus iya ti lenyau, baka nya meh Aku deka ngiga bedus Aku. Bedus Aku pambar lebuh mua hari ti petang pegari. Lalu Aku deka mai sida pulai baru ari semua endur ti udah alai sida ngachir.

“Aku TUHAN Allah Taala madahka Aku deka ngiga bedus Aku, lalu ngibun sida.

Aku Empu deka nyadika Pengibun raban bedus Aku, lalu Aku deka ngiga endur alai sida ulih belelak. Aku TUHAN Allah Taala udah bejaku.

“Kita tu bedus Aku, raban ke ditupi Aku, kita endang nembiak Aku, lalu Aku endang Allah Taala kita,” ku TUHAN Allah Taala bejaku.

“Anak mensia, alai nuan benabi ngelaban bala orang ke megai perintah di menua Israel. Benabi ngelaban sida, lalu padahka ngagai sida utai ti disebut Aku TUHAN Allah Taala: Tulah mmeh kita ke pengibun orang Israel ke udah nupi diri empu! Nama kebuah kita enda ngibun raban bedus?