Popular Bible Verses from Esekiel 33

Share

Padahka ngagai sida, dalam nama Aku TUHAN Allah Taala Allah Taala ti idup, Aku enda rindu meda orang ke bedosa mati. Aku rindu agi meda sida badu agi bedosa, lalu idup. Israel, badu agi ngereja penyai. Nama kebuah kita keran deka mati?

“Anak mensia, diatu Aku ngaga nuan nyadika jejaga orang Israel. Nuan enda tau enda madahka ngagai sida jaku tangkan ti diberi Aku ngagai nuan.

Tang enti nuan meri jaku tangkan nya ngagai orang ke jai, lalu iya enggai badu bedosa, iya deka mati, mengkang nyadi orang ke bedosa, tang nuan empu deka nyelamatka nyawa diri.”

Tang enti jejaga nya meda munsuh datai, lalu enda megau orang mayuh, munsuh nya deka datai lalu munuh orang ke bedosa nya, Aku deka nekanka jejaga nya betanggungjawapka pemati sida.

Pemati orang nya datai ari penyalah iya empu, laban iya enggai ibuhka kangau jejaga ke megau orang mayuh. Enti orang nya ibuhka kangau jejaga, iya tentu ulih ngerarika diri.