Popular Bible Verses from Ulang Adat 11

Share

Ajar sida ngagai anak kita. Kenang sida tu lebuh kita di rumah, enggau lebuh kita bejalai kebukai, lebuh kita gali, enggau lebuh kita gawa.

“Kingatka pesan tu, lalu simpan sida dalam ati kita. Tuliska sida, lalu tanchangka sida ba lengan kita. Lekatka sida ba kening kita kena ngingatka sida.

“Nya alai, titihka semua pesan ti diberi aku ngagai kita sehari tu. Rinduka TUHAN Allah Taala kita, lalu sembah Iya enggau pengabis ati kita, enggau pengabis semengat kita. Enti kita ngereja nya, Iya deka ngasuh hari ujan di menua kita, lebuh kita begunaka ujan lebuh musin ruruh daun enggau lebuh musin bungai, ngambika kita bisi gandum, wain enggau minyak kana.

“Rinduka TUHAN Allah Taala kita, lalu seruran ngasika semua adat Iya.

“Pilih sehari tu entara berekat enggau sumpah. Kita deka diberekatka enti kita ngasika pesan TUHAN Allah Taala kita ke dipadahka aku ngagai kita sehari tu. Tang kita deka kena sumpah, enti kita enda ngasika pesan TUHAN Allah Taala kita, lalu limpang ari jalai TUHAN, lalu nyembah petara bukai ti enda kala disembah kita.

Tuliska sida ba tiang pintu rumah kita, enggau ba pintu kuta kita. Nya baru kita enggau anak kita deka diau lama ba menua ti udah disemaya deka diberi TUHAN Allah Taala kita ngagai aki ini kita. Kita deka diau dia, seagi-agi langit map dunya.

Anang nejuka diri dibai orang limpang ari TUHAN besembah sereta betuaika petara bukai.