Popular Bible Verses from Ulang Adat 10

Share

“Nya alai diatu, kita orang Israel, nama utai ti dipinta TUHAN Allah Taala kita, ari kita? Semina nangika TUHAN Allah Taala kita, idup nitihka jalai Iya, rinduka Iya, nyembah Iya enggau pengabis ati, enggau pengabis semengat kita, lalu ngasika semua pesan enggau adat TUHAN, ti diberi aku ngagai kita sehari tu, ke penguntung kita.

Laban TUHAN Allah Taala kita endang Allah Taala ari atas semua petara, TUHAN ari atas semua tuhan, Allah Taala ti bekuasa, ti kering ti diketakutka, ti enda bepilih mata, lalu enda makai suap

Nya alai, ngasi meh kita ke TUHAN, lalu badu agi kieh.

ti meri atur ti lurus ngagai orang ke patu balu, ti rinduka orang kampar, lalu meri sida pemakai enggau gari.

Iya aja ti dipuji kita, laban semina Iya aja ti Allah Taala kita, ti udah ngereja utai ti besai sereta nyelai, baka ke udah dipeda kita.

Kita enda tau enda nangika TUHAN Allah Taala kita; sembah Iya siku aja. Seruran bepegai teguh ba Iya, lalu sebut sumpah kita atas nama Iya.

Taja pen langit enggau serega, enggau dunya sereta enggau semua utai ti di dunya, diempu TUHAN Allah Taala kita

Nya alai kita mega enda tau enda rinduka orang kampar, laban kita empu udah nyadi orang kampar di menua Ejip.