Popular Bible Verses from تٛوکْتَاکِ تَوْرٜىٰتَ 5

Share

«تٜدِّنْ بَابَ مَ عٜ دَادَ مَ، بَنَ مِنْ جَوْمِرَاوٛ، اَللَّه مَاطَ مِعُمْرِ مَ؞ ندٜنْ کَمْ عَحٜࢡَنْ حَيْرُ، بَلْطٜ مَ نجُوتَنْ ندٜرْ لٜسْدِ ندِ مِنْ جَوْمِرَاوٛ، اَللَّه مَاطَ ندٛکَّنْمَامِ؞

تٛکّٜ لَاوٛلْ عُمْرٛوجٜ طٜ جَوْمِرَاوٛ، اَللَّه مٛوطٛنْ عُمْرِ عٛنْ ڢُو نغَمْ عٛنْ نغٜىٰطَ، عٛنْ کٜࢡَ حَيْرُ، بَلْطٜ مٛنْ نجُوتَ ندٜرْ لٜسْدِ ندِ مَرٛتٛنْ؞»

تَا سُجِدَنْ طِ، تَا تٜدِّنْ طِ، نغَمْ مِنْ جَوْمِرَاوٛ، اَللَّه مَاطَ، مِيِطَا عَتٛکّٛ طٛوَنْتٜىٰطٛ ڢٜىٰرٜ سَمْ؞ مِحِيتٛتٛ عَيْبٜ وَࢩْࢡٜ يَمْ حَا ࢡِࢡّٜ مَࢡّٜ، کٛو حَا تَانِرَاࢡٜ مَࢡّٜ عٜ جَاتِرَاࢡٜ مَࢡّٜ بٛو؞ عَمَّا مِوَطَنَنْ يِطْࢡٜ يَمْ، طٛوْتَنِيࢡٜ عُمْرٛوجٜ عَمْ مبٛوطٜىٰنغَ حَا غِدٜ عُجِنٜىٰجٜ؞

«تَا وَطَنْ حٛورٜ مَ لَوْرُ کٛو ندُيٜ، کٛو سُورَ تَغْدِ کٛو ندِيٜ حَا عَسَمَ مَلَّ دٛوْ لٜسْدِ مَلَّ ندٜرْ ندِيَمْ لٜسْ لٜسْدِ؞

تَا طٛوَنْتٜىٰࢡٜ وٛطْࢡٜ تَوٜ حَا مَ، سٜيْ مِنْ ڢٜىٰرٜ عَمْ؞

«تَا عٜوْنَ عِنْدٜ جَوْمِرَاوٛ، اَللَّه مَاطَ مٜىٰرٜ؞ نغَمْ ڢَکَتْ جَوْمِرَاوٛ حِيتٛتٛ کٛو مٛيْ عٜوْنِ عِنْدٜ مُوطُمْ مٜىٰرٜ؞

مِيِطِ ࢡٜرْطٜ مَࢡّٜ تَبِتَ بَنَ نٛنْ، ࢡٜکُلَمِّ ڢٛرٛيْ، ࢡٜطٛوْتَنٛ عُمْرٛوجٜ عَمْ ڢُو، نغَمْ ࢡٜکٜࢡَ حَيْرُ کَمْࢡٜ عٜ ࢡِکّٛيْ مَࢡّٜ حَا ڢٛرٛيْ؞

«حَکِّلَنْ ࢩَنْدٜ سِوْتٛرْدٜ، سٜنْ ندٜ بَنَ مِنْ جَوْمِرَاوٛ، اَللَّه مَاطَ مِعُمْرِ مَ؞

«تَا سُونَ دٜبّٛ کٜىٰدِّطَّ؞ تَا سُونَ سَارٜ کٜىٰدِّطَّ، کٛو نغٜسَ مَاکٛ، کٛو مَشُّطٛ مَاکٛ، کٛو کٛرْطٛ مَاکٛ، کٛو نَغّٜ مَاکٛ، کٛو وَمْندٜ مَاکٛ عٜ کٛو طُمٜ کٛ کٜىٰدِّطَّ مَرِ ڢُو؞

«تَا وَطْ نجٜىٰنُ؞

«تَا سٜىٰدَ ڢٜوْرٜ دٛوْ کٜىٰدِّطِّرَاوٛ مَ؞

«تَا مبَرْ-حٛورٜ؞

«تَا وُجُّ؞

سِڢْتٛرْ عَنْ بٛو عَلَاتِنٛ مَشُّطٛ ندٜرْ لٜسْدِ مِصْرَ؞ عٜ مِنْ جَوْمِرَاوٛ، اَللَّه مَاطَ مِوُرْتِنِ مَ تٛنْ بٜى جُنغٛ عَمْ سٜمْبِطْنغٛ ڢٛرْتَانغٛ؞ نغَمْ مَنْ مِنْ جَوْمِرَاوٛ، اَللَّه مَاطَ مِعُمْرِ مَ عَسِوْتٛ ࢩَلَادٜ سِوْتٛرْدٜ؞

ندٜرْ ࢩَلْطٜ جٛوٜىٰغٛ کُووَتَ کُوغَلْ مَ ڢُو؞ عَمَّا ࢩَلَادٜ جٛوٜىٰطِطَوْرٜ وٛنِ سِوْتٛرْدٜ نغَمْ جَوْمِرَاوٛ، اَللَّه مَاطَ؞ تَا حُووْ کُوغَلْ کٛو نغَلٜ، کٛو عَنْ، کٛو ࢡِيَ غٛرْکٛ، کٛو ࢡِيَ دٜبّٛ، کٛو مَشُّطٛ مَ، کٛو کٛرْطٛ مَ، کٛو نَغّٜ مَ، کٛو وَمْندٜ مَ، کٛو دَبَّاجِ مَ ڢُو، کٛو کٛطٛ غٛنْطٛ ندٜرْ وُرٛ مَ؞ نغَمْ مَشُّطٛ مَ عٜ کٛرْطٛ مَ شِوْتٛ بَنَ مَ؞

مِنْ وٛنِ جَوْمِرَاوٛ، اَللَّه مَاطَ، غُرْتِنْطٛ مَ نجٜيَانغُ حَا لٜسْدِ مِصْرَ؞