Popular Bible Verses from کٛلٛسِّعٜنْ 2

Share

ندٜ نِي عٛنْ نجَࢡِ جَوْمِرَاوٛ عِيسَى اَلْمَسِيحُ، تٛکّٜ يٜىٰطُغٛ ندٜرْ کَوْتَلْ بٜى مَاکٛ؞ تَبِتٜ ندٜرْ مَاکٛ بَنَ نٛ لٜکِّ دَرٛرْتٛ ندٜرْ لٜسْدِ بٜى طَطِ مَاکِ، ندَرْنٜ يٛنغْکِيجِ مٛوطٛنْ دٛوْ مَاکٛ، شٜمْبِطِنٜ نُطِّنْکِ مٛنْ ڢٛدّٜ عٜکِّتِنٛلْ نغٛلْ کٜࢡْطٛنْ، نغٜتّٜ اَللَّه بٜى غٜتّٛوجٜ طُوطّٜ؞

کَکِّلٜ نغَمْ تَا غٛطّٛ نَنغَ عٛنْ ندٜرْ تُوڢٛرْغٛلْ بٜى بٛلّٜ عٜسْتٛوجٜ، شٛوکٜ عِوْطٜ حَا رُوحُوجِ لَامَنِيطِ دُنِيَارُ، طِ عِوَايْ حَا اَلْمَسِيحُ؞

نَانٜ، اَللَّه طٛنّٛ لَارَ عٛنْ بَنَ مَايْࢡٜ نغَمْ دَلِيلَ حَکّٜىٰجِ مٛوطٛنْ عٜ سَادٛنِيکُ مٛنْ؞ عَمَّا جٛنْتَ عٛيٜىٰطِتِنِ عٛنْ حَوْتَادٜ بٜى اَلْمَسِيحُ؞ عٛيَاڢِ حَکّٜىٰجِ مٜىٰطٜنْ ڢُو؞ عٛسٜىٰکِ طٜرٜىٰوٛلْ ࢩَمَاندٜ مٜىٰطٜنْ طُوطْندٜ، عَيْبِنَنْنغٛلْ عٜنْ بٜى عُمْرٛوجٜ مَاغٛلْ؞ عٛنَتِّنِ نغٛلْ بٜى تِغُّغٛ نغٛلْ حَا غَاڢَانغَلْ؞

کٛ وٛنِ ندٜرْ اَللَّه ڢُو طٛنْ ڢٛرٛيْ ندٜرْ اَلْمَسِيحُ مَرْطٛ ࢡَنْدُ نٜطّٛ؞ تٛ عٛنْ کَوْتِ بٜى اَلْمَسِيحُ، کٛ وٛنِ ندٜرْ مَاکٛ ڢُو طٛنْ ندٜرْ مٛوطٛنْ بٛو؞ عٛ حٛورٜىٰجٛ دٛوْ مَوْࢡٜ عَسَمَ عٜ مَرْࢡٜ لَامُ ڢُو؞

جٛنْتَ کَمْ، تَا غٛطّٛ حِيتٛ عٛنْ دٛوْ ࢩَامْدُ مَلَّ دٛوْ نجَرَمْ، کٛو دٛوْ ࢩَلْطٜ شٜنِيطٜ، کٛو دٛوْ جُولْدٜ لٜوْرُ حٜسْرُ، کٛو دٛوْ ࢩَنْدٜ سِوْتٛرْدٜ ؞ طُمْ ڢُو طُمْ مِسَالُ کُوجٜ طٜ نغَرَايْنٛ تَوٛنْ، عَمَّا غٛونغَ مَنْ طُمْ اَلْمَسِيحُ؞