Popular Bible Verses from ሮሜ ዓጮ'' ዓሶም 3

Share

ዓይጎሮ ጌዔቶ ዓሲ ቢያ ጎሜ ማዺ ፆኦሲ ዔያቶም ዒንጌ ቦንቻፓ ዓቴ''ኔ። ዬያሮ ዓሳ ዬሱስ ኪሪስቶሴ ማዼ ዻቂሺፆ ማዾ''ና ፆኦሲ ፔ ኮሹሞና ዒንጌ ዒንጊፆና ፂላ''ኔ።

ዬያሮ ፆኦሲ ዖናኣ ዱማሱዋዖ ዬሱስ ኪሪስቶሴ ጉሙርቃዞንሢም ቢያ ፂሉ''ሞ ዒንጋኔ።

ፆኦሲ ዬሱስ ኪሪስቶሴ፡ ጎሞ ዛሎ ዒንጎ ባኣዚ'' ማሂ ዒንጌሢ' ዒዛ ጉሙርቃሢ ቢያ ዒዛ ሱጉፆና ዔያቶኮ ጎማፓ ማኣሪንቲሢ ዴንቃንዳጉዲኬ፤ ፆኦሲ ዬያ ማዼሢ' ቤርታ ዓኣ ጎሞ ጊቢ'' ዳንዳዒሢና ባኣያ ማሂ ፔኤኮ ፂሉ''ሞ ጎይፆ ዻዋኒኬ። ሓሣኣ ዎዶ''ና ፆኦሲ ፂሎ'' ዎጋያ ማዒፆ ዻዋሢ' ዬሱሴ ጉሙርቃዞንሢ ቢያ ፂሊ''ሲፆናኬ።

ዬያሮ ዓይጎ ዓሲያ ፆኦሲ ቤርታ ሙሴ ዔርዜ ዎጎ ኩንሥሢና ፂሉ''ዋሴ፤ ዎጋ ዻዋሢ፦ ዓሲ ጎሜና ማዒፆኬ።

ጌኤዦ ማፃኣፖይዳ፦ «ፔቴ''ታዖ ፂሎ'' ዓሲ ባኣሴ፤ ዒኔና ጶቂሣ ዓሲያ ባኣሴ፤ ዒናፓ ፆኦሲ ኮዓ ዓሲ ፔቴ''ታዖ ባኣሴ። ቢያሢ ጎኑሞ ጎይፃፓ ዻቢ ዣኣሌኔ፤ ፔቴ''ታዖ ኮሺ ማዾ ማዻ ዓሲ ባኣሴ።

ዬያሮ ፆኦሲ ዓሲ ፂሎ'' ማሂ ዛጋሢ፦ ዎጌ ማዾ ኩንሤምቱዋንቴ ጉሙርቄቶ ማዔሢ ኑ ዔራኔ።

ፔቴ''ታዖ ማሁዋሴ! «ኔ ጌስታ ጌኤዞና ጎኔ ዓሲ ማዒ ኔና ሞኦታሢ ኔ ላሣንዳኔ» ጌይንቲ ፃኣፒንቴሢጉዲ ዓሲ ቢያ ሉኡቃያ ማዔቴያ ፆኦሲ ጎኔ ጌስታያኬ።