Popular Bible Verses from Uttawa 23

Share

“Nkithimicheke mii Apwiiya Nlhuku inyu. Ni mii kinouvahani ibarakha yo choolhia ni maashi, ni uthamiha mareta munlhokoni mwinyu. Khanowa aakhalha nthiyana nohalha urihakacha mena uhiyara mwiilhaponi mwinyu. Ni mii kinouvaherani ukumi wo iyaakha chinchi.

“Mwooneke, Mii kinonruma nnepa oholhelheni munkwahani mwinyu wiira opiheni rata mwiilhaponi kuweshenreakani.

Nansho mwamwiiwelhelhaka rata ni upanga chittu chonkhaye chinohimia awe, mii kinowaatakana ni amalhaponi inyu onkhaye.

Nhilhutaane ni nlhoko wa attu anopanga chittu cho uhilhoka, mena nhilhutaane ni attu anohimiacha chittu cho woothiya umilhatuni, wiira arukunushe ikekhia. Nhoothache wiira munkavihere ntu nshikini umilhatuni.

“Nhihimiache chittu cho woothiya. Ni mena nhinkavihe ntu o uhilhoka wiira munhimiecheshe vanoothacha awe.