Popular Bible Verses from Mazimuriyaa 143

Share

Neeni ta S'oossaa gidiyaa diraw, taani ne sheniyaa ootsana mala, taana tamaarissa; lo"o Ayyaanan taana suure ogiyaa kaaletsa.

Taani neena ammanettiyaa diraw, wontta wontta aggena ne siik'uwaa taana bessa. Taani ta shemppuwaappe neena woossiyaa diraw, taani baanaw bessiyaa ogiyaa taana tamaarissa.

Abeet Med'inaa Godaw, taani neekko bak'ateedda diraw, taana ta morkkatuwaappe ashsha.

Abeet Med'inaa Godaw, ne suntsaa diraw, taana ashsha; ne s'illotetsan taana metuwaappe kessa.

Abeet Med'inaa Godaw, ta woosaa sisa; ta watiwatuwaa hayzza. Neeni s'illuwaanne ammanettiyaawaa gidiyaa diraw, taw zaaruwaa imma.

Abeet Med'inaa Godaw, taw zaaruwaa immanaw elleella! Taani hidootaa k'ans's'aad. Taani duge duufuwaan geliyaa asatuwaa mala gidennaadan, ne som"uwaa taappe gentsoppa.

Taani beni wodetuwaa hassayay; neeni ootseedda oosuwaa ubbaa zaara zaaraadde k'oppaynne ne kushii ootseeddawaa akeekay.